அடக்கடவுளே..! காரோட கதவை திறந்து உள்ளே இழுத்த கும்பல்.. கதறி துடித்த பெண்… காப்பாற்ற வந்த நண்பர்களுக்கு நேர்ந்த கொடூரம்..! 5 ஸ்டார் ஹோட்டல் வாசலில் நடந்த நடுங்க வைக்கும் சம்பவம்..!!

தில்லி சாணக்யபுரியில் உள்ள ஒரு ஐந்து நட்சத்திர ஹோட்டல் வளாகத்தில் நாகாலாந்தைச் சேர்ந்த பெண் ஒருவரை வெள்ளை நிற மெர்சிடீஸ் காரில் கட்டாயப்படுத்தி இழுத்துச் செல்ல முயன்றதாகவும், அவரது நண்பர்களை ஹாக்கி ஸ்டிக் மற்றும் இரும்பு கம்பிகளால் தாக்கியதாகவும் மூன்று பேர் மீது குற்றஞ்சாட்டப்பட்டு காவல்துறையினரால் கைது செய்யப்பட்டுள்ளனர்.

இச்சம்பவம் அதிகாலை வேளையில் ஹோட்டலின் கழிப்பறையிலிருந்து அந்தப் பெண் தனது நண்பருடன் வெளியே வந்தபோது நடந்துள்ளது. அங்கு மெர்சிடீஸ் காரில் வந்த நபர்கள் அந்தப் பெண்ணை தடுத்து நிறுத்தி, காரின் உள்ளே இழுக்க முயன்றதாகக் கூறப்படுகிறது. இதைக் கண்டு அதிர்ச்சியடைந்த பெண்ணின் நண்பர்கள் தடுத்து நிறுத்த முயன்றபோது, அந்த நபர்கள் ஹாக்கி ஸ்டிக் மற்றும் இரும்பு கம்பிகளால் அவர்கள் மீது கடுமையாகத் தாக்குதல் நடத்தியுள்ளனர். இதில் பெண்ணின் நண்பருக்கு பற்களில் பலத்த காயம் ஏற்பட்டது.

காவல்துறையினர் சம்பவ இடத்திற்கு வருவதற்குள் குற்றஞ்சாட்டப்பட்டவர்கள் காரில் தப்பிச் சென்றபோதிலும், பாதிக்கப்பட்ட பெண் காரின் பதிவு எண்ணைக் குறித்து வைத்திருந்தார். அந்த எண்ணை வைத்து சாணக்யபுரி காவல்துறையினர் வழக்குப் பதிவு செய்து, திவ்யான்ஷு, கௌரவ் மற்றும் மோஹித் ஆகிய மூவரையும் உடனடியாகக் கைது செய்தனர். பாதிக்கப்பட்ட பெண் மற்றும் காயமடைந்தவர்கள் மருத்துவ பரிசோதனைக்காக மருத்துவமனைக்கு அனுப்பி வைக்கப்பட்ட நிலையில், ஹோட்டலின் சிசிடிவி காட்சிகளை வைத்து காவல்துறையினர் மேலதிக விசாரணையை மேற்கொண்டு வருகின்றனர்.