“நர்ஸுடன் கள்ளத்தொடர்பு…. மனைவியின் பெயரில் ரூ.2.5 கோடி மோசடி…” சிசிடிவியை பார்த்து ஷாக்கான பெண் மருத்துவர்…. வெளியான பகீர் பின்னணி…!!

பஞ்சாப் மாநிலம் ஜலந்தர் பகுதியில் கண் மருத்துவமனை நடத்தி வரும் மருத்துவர் பியூஷ் என்பவருக்கும், பெண் மருத்துவர் மீனாட்சிக்கும் கடந்த 2018-ஆம் ஆண்டு திருமணம் நடைபெற்றுள்ளது. திருமணத்திற்குப் பிறகு தனது கணவருக்கு வேறொரு பெண்ணுடன் தொடர்பு இருப்பதாகச் சந்தேகமடைந்த மீனாட்சி, மருத்துவமனையின் கண்காணிப்புக் கேமரா  காட்சிகளை ஆய்வு செய்தபோது அங்கு பணிபுரிந்த ஒரு செவிலியருடன் கணவருக்கு இருந்த கள்ளத்தொடர்பைக் கண்டுபிடித்தார்.

இது குறித்துக் கணவரிடம் தட்டிக்கேட்டபோது அவர் மீனாட்சியைத் கொடூரமாகத் தாக்கியுள்ளார்; இதனால் மனமுடைந்த அவர் கடந்த 2025 ஜூலை முதல் கணவரைப் பிரிந்து தனியாக வாழ்ந்து வந்ததோடு, விவாகரத்து பெறவும் முயன்றுள்ளார். ஆனால், அதற்குப் பியூஷ் சம்மதிக்கவில்லை எனக் கூறப்படுகிறது.

இந்தச் சூழலில், மீனாட்சி அண்மையில் புதிய வீடு வாங்குவதற்காக வங்கியில் கடன் கோரி விண்ணப்பித்த போது, அவரது அனுமதி இல்லாமலேயே அவரது பெயரில் ₹2.5 கோடி அளவிற்கு ஏற்கனவே கடன் வாங்கப்பட்டிருப்பது தெரியவந்தது. பியூஷ் தனது மருத்துவமனை வளர்ச்சிக்காகவும், ஆடம்பரக் கார் வாங்குவதற்காகவும் மனைவியின் பெயரில் இந்த மோசடிப் பணப் பரிவர்த்தனையைச் செய்துள்ளார்.

இத்தகைய அடுத்தடுத்த அதிர்ச்சிகளால் மீனாட்சி தனது இல்லத்தில் தூக்கிட்ட நிலையில் சடலமாகக் கண்டெடுக்கப்பட்டார். மீனாட்சியின் தற்கொலையில் மர்மம் இருப்பதாகக் குற்றம்சாட்டும் அவரது பெற்றோர், தலைமறைவாக உள்ள பியூஷை போலீசார் இன்னும் விசாரிக்கவில்லை எனக் கூறுகின்றனர்; எனினும், பிரேதப் பரிசோதனை அறிக்கை வந்த பிறகே அடுத்தகட்ட நடவடிக்கை எடுக்கப்படும் எனப் போலீசார் தெரிவித்துள்ளனர்.