செம தில்..! மரணத்தூக்கே மாஸ் காட்டிய கணவன்.. சீறிப்பாய்ந்த வெள்ளத்தில் தூக்கி வீசப்பட்ட 8 மாத கர்ப்பிணி… பிரிட்ஜை தலைகீழாக கவிழ்த்து… அப்புறம் நடந்த அதிரடி ட்விஸ்ட்..!!

பிரேசில் நாட்டின் மிமோசோ டோ சுல் பகுதியில் ஏற்பட்ட மிக மோசமான வெள்ளப்பெருக்கின் போது, வெள்ள நீர் வீட்டைச் சூழ்ந்ததால் தன் 8 மாத கர்ப்பிணி மனைவியைக் காப்பாற்ற ஒரு கணவன் மேற்கொண்ட துணிச்சலான போராட்டம் உலகையே நெகிழ வைத்துள்ளது. ருலியன் டயாஸ் அமரல் என்பவரது வீட்டை வெள்ளம் முழுமையாக விழுங்கிய நிலையில், தனது மனைவி எலிவாண்டா டி சௌசாவை எப்படிக் காப்பாற்றுவது என்று தெரியாமல் தவித்துள்ளார்.

மீட்புப் படகுகள் எதுவும் வராததாலும், வெள்ள நீர் மிக வேகமாக உயர்ந்து கொண்டே சென்றதாலும், ருலியன் ஒரு அவசர முடிவை எடுத்தார். வீட்டில் இருந்த ஃப்ரிட்ஜை உடனடியாகக் காலி செய்துவிட்டு, அதற்குள் தனது கர்ப்பிணி மனைவியை ஏற்றி, அதனை ஒரு தற்காலிகப் படகு போல வெள்ள நீரில் தள்ளி முன்னோக்கி நகர்த்தியுள்ளார். ஆனால், எதிர்பாராத விதமாக வெள்ளத்தின் வேகம் அதிகரித்ததால், அந்த ஃப்ரிட்ஜ் ஒரு தடையின் மீது மோதி தலைகீழாகக் கவிழ்ந்தது. இதில் எலிவாண்டா சீறிப்பாய்ந்த வெள்ள நீரில் தூக்கி வீசப்பட்டார்.

இருப்பினும், தன் மனைவியையும் பிறக்காத குழந்தையையும் மரணத்தின் விளிம்பிலும் கைவிடாத ருலியன், வெள்ளத்தோடு போராடி அவளை அருகில் இருந்த ஒரு வீட்டின் வராண்டா பகுதிக்குக் கொண்டு சேர்த்தார். மீட்புக் குழுவினர் வந்து தங்களைக் காப்பாற்றும் வரை பல மணி நேரம் அவர்கள் அந்த ஆபத்தான சூழலிலேயே சிக்கித் தவித்தனர். அனைத்து சாதாரண வழிகளும் அடைக்கப்பட்ட அந்த இக்கட்டான கணத்தில், ஒரு கணவனின் இந்த அசாதாரணமான யோசனையும், அசைக்க முடியாத காதலும் தான் இன்று அந்தத் தாயையும் சேயையும் உயிரோடு மீட்டுள்ளது.