நவராத்திரி கொண்டாட்டத்தில் ரத்தக் களம்.. கள்ளத்தொடர்பு சந்தேகத்தால் கணவன் செய்த வெறிச்செயல்.. மனைவிக்கு நேர்ந்த கொடூரம்…நெஞ்சை உலுக்கும் சம்பவம்..!!

உத்தரப் பிரதேச மாநிலம் ஹர்தோய் மாவட்டத்தில் நவராத்திரியின் முதல் நாளன்றே, கள்ளத்தொடர்பு சந்தேகத்தின் பேரில் பெண் ஒருவர் அவரது கணவனால் கோடாரியால் கொடூரமாக வெட்டிக் கொலை செய்யப்பட்ட சம்பவம் அப்பகுதியில் பெரும் பரபரப்பை ஏற்படுத்தியுள்ளது. பெண்களின் பாதுகாப்பிற்காகப் பிரகடனப்படுத்தப்பட்ட ‘மிஷன் சக்தி’ திட்டத்தின் கீழ் மற்றும் நவராத்திரி பண்டிகையை முன்னிட்டு எவ்வித அசம்பாவிதங்களும் நடக்கக் கூடாது என முதலமைச்சர் யோகி ஆதித்யநாத் மாவட்ட அதிகாரிகளுக்குக் கடுமையான உத்தரவுகளைப் பிறப்பித்திருந்தார். காவல்துறையினர் தீவிரக் கண்காணிப்பில் ஈடுபட வேண்டும் என்ற உத்தரவு அமலில் இருந்தபோதிலும், பண்டிகையின் முதல் நாளே துர்கையாக மதிக்கப்படும் பெண் ஒருவரே கொடூரமாகக் கொல்லப்பட்டிருப்பது பாதுகாப்பு அமைப்பின் பலவீனங்களை அம்பலப்படுத்தியுள்ளது. இக்கொலை வழக்கில் குற்றம் சாட்டப்பட்ட கணவனைக் காவல்துறையினர் கைது செய்து தீவிர விசாரணை மேற்கொண்டு வருகின்றனர்.

இந்தச் சோகம் நடந்து முடிந்த 24 மணி நேரத்திற்குள், அதே மாவட்டத்தில் துறவி ஒருவரும் கொடூரமான முறையில் கொலை செய்யப்பட்டுள்ளார். ஒரே நாளில் அரங்கேறிய இந்த இரண்டு அடுத்தடுத்த கொலைச் சம்பவங்கள், முதலமைச்சரின் கடுமையான பாதுகாப்பு அறிவுறுத்தல்களுக்கு மத்தியிலும் ஹர்தோய் மாவட்டக் காவல்துறையின் கண்காணிப்பில் உள்ள அலட்சியப் போக்கைப் பிரதிபலிப்பதாகப் சமூக ஆர்வலர்கள் குற்றம் சாட்டுகின்றனர். பெண்களைப் போற்றும் நவராத்திரி திருநாளின் தொடக்கத்திலேயே ‘மிஷன் சக்தி’ திட்டத்தின் நோக்கத்திற்கு சவாலாக அமைந்துள்ள இந்தத் தொடர் கொலைகள், உத்திரப் பிரதேசத்தின் சட்டம் ஒழுங்கு மற்றும் காவல்துறையின் செயல்பாடுகள் குறித்துப் பொதுமக்கள் மத்தியில் பெரிய அளவிலான விவாதங்களையும் கேள்விகளையும் எழுப்பியுள்ளது.