அய்யோ கொடுமையே… ஒரு ஸ்ட்ரெச்சர் கூட கிடையாதா..? பிணத்தை தரையிலேயே இழுத்துச் சென்ற கொடுமை… நெஞ்சை பதறவைக்கும் பகீர் வீடியோ..!!

பிகார் மாநிலம் பக்சாரில் மனிதநேயத்தைக் கேள்விக்குறியாக்கும் வகையிலும், உடல்களுக்குக் காட்டப்படும் மரியாதையைக் கேலி செய்யும் வகையிலும் ஒரு அதிர்ச்சி சம்பவம் வெளிச்சத்திற்கு வந்துள்ளது. சமூக வலைதளங்களில் வேகமாகப் பரவி வரும் ஒரு வீடியோவில், வெள்ளை துணியில் சுற்றப்பட்ட ஒரு பிணத்தை, ஸ்ட்ரெச்சர் போன்ற எந்த வசதியும் இல்லாமல் தரை வழியே இழுத்துச் சென்று பிரேத பரிசோதனை அறைக்குள்ளே கொண்டு செல்லப்படுவது தெரிகிறது. இந்தச் சம்பவம் மருத்துவமனை மற்றும் உள்ளூர் நிர்வாகத்தின் கொடூரமான அலட்சியத்தை அம்பலப்படுத்தியுள்ளதுடன், அப்பகுதி மக்களிடையே பெரும் கொந்தளிப்பையும் ஏற்படுத்தியுள்ளது.

கிடைக்கப்பெற்ற தகவல்களின்படி, கடந்த ஆகஸ்ட் 31, 2026 அன்று, ரயில்வே மேம்பாலத்திற்கு அருகே ரயிலில் அடிபட்டு அடையாளம் தெரியாத நபர் ஒருவர் உயிரிழந்தார். தகவலறிந்து சம்பவ இடத்திற்கு வந்த ரயில்வே காவல்துறை (GRP) உடலைக் கைப்பற்றி பிரேத பரிசோதனைக்காக அனுப்பியது. அந்த உடலைப் பிரேத பரிசோதனை கூடத்திற்கு எடுத்துச் செல்ல பிஹாரி குமார் என்பவர் நியமிக்கப்பட்டிருந்தார். ஆனால், உடலை உள்ளே கொண்டு செல்ல ஸ்ட்ரெச்சரோ அல்லது வேறு எந்தப் போக்குவரத்து வசதியோ வழங்கப்படாததால், பிணத்தை வெறும் தரையிலேயே இழுத்துச் சென்றுள்ளனர். இந்த அவலக் காட்சியை அங்கிருந்த ஒருவர் தனது மொபைல் போனில் படம் பிடித்துள்ளார்.

இந்த வீடியோ வெளியாகி சர்ச்சையை ஏற்படுத்தியதைத் தொடர்ந்து, சம்பவம் குறித்து உரிய விசாரணை நடத்தப்படும் என எதிர்பார்க்கப்படுகிறது. உயிரிழந்த பின்பும் ஒரு மனிதனின் உடலுக்கு உரிய மரியாதை அளிக்கப்பட வேண்டும் என்ற நிலையில், அதிகாரிகள் மற்றும் மருத்துவமனை நிர்வாகத்தின் இந்தச் செயல் கடும் கண்டனத்திற்கு உள்ளாகியுள்ளது. பிரேத பரிசோதனை கூடத்தில் போதுமான வசதிகள் இருந்தும் பயன்படுத்தப்படவில்லையா அல்லது அடிப்படை வசதிகளே இல்லையா என்பது குறித்தும், இதற்கு காரணமானவர்கள் மீது நடவடிக்கை எடுக்கப்படுமா என்பது குறித்தும் விசாரணைக்கு பிறகே முழு விவரங்கள் தெரியவரும்.