“பகீர்.. கால்வாயில் மிதந்த அழுகிய சடலங்கள்..” லிவ்-இன் தம்பதிக்கு நேர்ந்த கொடூரம்… பின்னணியில் இருக்கும் திடுக்கிடும் உண்மை..!!

டெல்லியைச் சேர்ந்த இளைஞர் ஒருவரும், அவரது லிவ்-இன் பெண் துணையும் ரோத்தக்கில் மர்மமான முறையில் கொலை செய்யப்பட்டு, அவர்களது சடலங்கள் கால்வாயில் கண்டெடுக்கப்பட்ட அதிர்ச்சிகரமான சம்பவம் வெளிச்சத்திற்கு வந்துள்ளது. கடந்த செப்டம்பர் 26 அன்று நண்பர்களைச் சந்திப்பதற்காக இருவரும் காரில் ரோத்தக்கிற்கு வந்துள்ளனர். அதன் பின்னர், செப்டம்பர் 30 ஆம் தேதி அந்த இளைஞர் தனது தாயுடன் கடைசியாகப் பேசியுள்ளார்; அன்றிலிருந்து இருவரது மொபைல் போன்களும் அணைக்கப்பட்டு அவர்கள் மாயமாகியுள்ளனர். இந்த நிலையில், கடந்த ஞாயிற்றுக்கிழமை அஸௌதா பகுதிக்கு அருகே உள்ள கால்வாயில் இருந்து இருவரது சடலங்களும் அழுகிய நிலையில் மீட்கப்பட்டுள்ளன.

இந்த இரட்டைக் கொலைச் சம்பவத்தின் பின்னணியில் ரூ.30 லட்சம் பண விவகாரம் இருப்பதாகக் கூறப்படும் திடுக்கிடும் தகவல், இந்த வழக்கைத் தற்போது பெரும் மர்மமாக மாற்றியுள்ளது. அந்தப் பெருந்தொகைக்கும் இந்த கொடூரக் கொலைக்கும் என்ன தொடர்பு என்பது குறித்துப் போலீசார் தீவிரமாக விசாரித்து வருகின்றனர். காரில் வந்த தம்பதி பிணமாக மீட்கப்பட்ட இந்தச் சம்பவம் டெல்லி மற்றும் ஹரியானா மாநில எல்லையோரப் பகுதிகளில் பெரும் பரபரப்பை ஏற்படுத்தியுள்ளது.