“பாட்டி… ஏன் உன் தோலெல்லாம் இப்படி இருக்கு..? பேரனின் அப்பாவிக் கேள்வியும்… பாட்டியின் அன்பான விளக்கமும்..! நெகிழ வைக்கும் வைரல் பதில்.!!”

சமூக வலைத்தளங்களில் வைரலாகி வரும் ஒரு வீடியோவில், ஒரு சிறுவன் தனது கொள்ளுப்பாட்டியின் முகத்தில் உள்ள சுருக்கங்களைப் பார்த்து மிகவும் அப்பாவியாகக் கேள்வி கேட்கிறான். @____vivanshadvitworld என்ற இன்ஸ்டாகிராம் பக்கத்தில் பகிரப்பட்ட இந்த வீடியோவில், சிறுவன் பாட்டியின் முகத்தைத் தொட்டு, “பாட்டி, உங்கள் சருமம் ஏன் இப்படி சுருங்கிப் போய் இருக்கிறது?” என்று கேட்கிறான். அதற்கு அந்தப் பாட்டியும் எவ்வித சலிப்பும் இன்றி புன்னகையுடனும் அன்படனும், “கண்ணே, எனக்கு வயதாகிவிட்டது அல்லவா, அதனால் தான் இப்படி இருக்கிறது” என்று பதிலளிக்கிறார்.

அதைக் கேட்டுத் திருப்தியடையாத சிறுவன், “வயதாவதால் என்ன ஆகும்?” என்று மேலும் கேள்வி எழுப்புகிறான். அதற்கு அந்த பாட்டி, குழந்தைக்குப் புரியும் எளிய மொழியில், “வயதாகும்போது உடலில் சக்தி குறையும், உணவும் தண்ணீரும் குறைவாகவே எடுத்துக்கொள்ள முடியும், முன்பைப் போல ஓடியாடி வேலை செய்ய முடியாது. வயதான அனைவருக்கும் இது இயல்பு தான்” என்று விளக்கமாகக் கூறுகிறார். சிறுவன் பாட்டியின் கைகளில் உள்ள வரிகளையும் கால்களையும் ஆச்சரியத்தோடு கவனித்துப் பேசும் இந்த நிஜமான அன்பு, இரு தலைமுறையினருக்கு இடையே உள்ள பிணைப்பை அழகாகக் காட்டுகிறது.

https://www.instagram.com/reel/DbC6sk9RFBK/?utm_source=ig_web_button_share_sheet

இந்த வீடியோவைப் பார்த்த சோஷியல் மீடியா பயனர்கள் பலர், தங்களது தாத்தா-பாட்டியுடன் கழித்த சிறுவயது நினைவுகளையும், அவர்கள் அன்போடு பதிலளிக்கும் பொறுமையையும் நினைவு கூர்ந்து உருக்கமாகக் கருத்துகளைப் பதிவிட்டு வருகின்றனர். இணையவாசிகளின் மனதை நெகிழ வைத்துள்ள இந்த வீடியோ, இன்றைய பரபரப்பான டிஜிட்டல் வாழ்க்கையில் வீட்டில் உள்ள முதியவர்களுடன் சிறிது நேரம் செலவிட்டுப் பேசுவதன் அவசியத்தையும் அன்பையும் அழகாக உணர்த்துகிறது.