LATEST NEWS
“என் அப்பாவை எப்படி விடுவேன்” ஒட்டுமொத்த நாடே சல்யூட் அடிக்கும் சிங்கக்குட்டி.. எரியும் வீட்டிற்குள் குதித்து மாற்றுத்திறனாளி தந்தையைக் காப்பாற்றிய 10 வயது மகள்..!!
விளையாடும் வயதில் தனது உயிரையும் பொருட்படுத்தாமல் எரியும் வீட்டிற்குள் குதித்து, மாற்றுத்திறனாளி தந்தையின் உயிரைக் காப்பாற்றிய பீகாரைச் சேர்ந்த 10 வயது சிறுமி குமாரியின் வீரம் ஒட்டுமொத்த நாட்டையும் நெகிழ வைத்துள்ளது . குழந்தைகள் பொதுவாக இருட்டைக் கண்டு பயப்படும் அந்தச் சிறிய வயதில், தன் தந்தை ஆபத்தில் இருக்கிறார் என்பதை உணர்ந்ததும் அவள் காட்டிய துணிச்சல் அனைவரையும் வியப்பில் ஆழ்த்தியுள்ளது . வீட்டில் திடீரென தீ விபத்து ஏற்பட்ட போது அங்கிருந்த அனைவரும் பயந்து அலறியடித்துக்கொண்டு வெளியே ஓடினர் .
https://twitter.com/itSachinverma/status/2085265534401347804/video/1
ஆனால், நடக்க முடியாத தனது தந்தையை அப்படியே தவிக்கவிட்டு ஓட அந்தப் பாசமுள்ள மகளின் மனம் இடம் கொடுக்கவில்லை . எந்தவொரு பயமும் பதற்றமும் இன்றி, சுற்றியிருந்த கரும்புகை மற்றும் கொழுந்துவிட்டு எரிந்த தீப்பிழம்புகளுக்கு மத்தியிலும் தைரியமாக வீட்டிற்குள் புகுந்து தனது தந்தையைப் பத்திரமாக வெளியே அழைத்து வந்தாள் . ஒரு நிஜமான ஹீரோவாக மாறுவதற்கு வயதோ, பாராட்டுகளோ தேவையில்லை, நெஞ்சில் துணிச்சலும் பாசமும் இருந்தால் போதும் என்பதை நிரூபித்துக் காட்டிய இந்தச் ‘சிறு சிங்கக்குட்டியை’ இன்று ஒட்டுமொத்த நாடே பாராட்டி, சல்யூட் அடித்து வருகிறது.
