4 கால்கள்… உடலுக்கு வெளியே துடிக்கும் இதயம்… சத்தர்பூர் குழந்தையைக் கண்டு திகைத்த மருத்துவர்கள்..! ‘பாரசிடிக் ட்வின்’ குறைபாட்டினால் கருவறைக்குள் நிகழ்ந்த விபரீதம்.. கதறித் துடிக்கும் பெற்றோர்..!!

மத்தியப் பிரதேச மாநிலம் சத்தர்பூரில் நான்கு கைகால்கள் மற்றும் மார்பின் வலதுபுறத்தில் இதயம் அமைந்தவாறு பிறந்துள்ள ஒரு அபூர்வ குழந்தை, மருத்துவ உலகை வியப்பில் ஆழ்த்தியுள்ளது. சத்தர்பூரில் பிறந்த இந்த நவதானிக் குழந்தைக்குப் பரிசோதனைகள் மேற்கொண்டபோது, அக்குழந்தை ‘பாரசிடிக் ட்வின்’ எனப்படும் ஒட்டுண்ணி இரட்டைப் பிறவி நிலை மற்றும் ‘கான்ட்ரல்ஸ் பெண்டாலஜி’ என்ற அதிதீவிர பிறவி குறைபாட்டினால் பாதிக்கப்பட்டுள்ளது கண்டறியப்பட்டது. மருத்துவக் கல்லூரி குழந்தைகள் அறுவை சிகிச்சை நிபுணர் டாக்டர் விகேஷ் அகர்வால் தெரிவிக்கையில், தாயின் கருவில் இரு கருக்கள் உருவாகத் தொடங்கி, அதில் ஒன்று முழுமையாக வளர்ச்சியடையாமல் மற்றொரு குழந்தையுடன் ஒட்டிக்கொள்ளும்போதே இத்தகைய கூடுதல் கைகால்கள் உருவாகின்றன.

இந்தக் குழந்தைக்குக் கூடுதல் உறுப்புகள் மட்டுமின்றி, ஐந்து முக்கிய உள் உறுப்புகள் சார்ந்த தீவிரக் குறைபாடுகளும் ஒன்றிணைந்து காணப்படுகின்றன. வயிற்றுத் தசைகள் சரியாக வளர்ச்சியடையாததால் குழந்தையின் கல்லீரல் உடலுக்கு வெளியே அமைந்துள்ளது; மேலும் நெஞ்செலும்பு மற்றும் உதரவிதானம் முழுமையாக வளர்ச்சி பெறாததால் குடலின் சில பகுதிகள் நெஞ்சுப் பகுதி வரை சென்றுள்ளன. அத்துடன் குழந்தையின் இடது நுரையீரல் வளர்ச்சியடையவில்லை; இதயம் இயல்பான இடத்திற்குப் பதிலாக வலதுபுறத்தில் அமைந்திருக்கும் ‘டெக்ஸ்ட்ரோகார்டியா’ மற்றும் சயனோடிக் இதய நோய் போன்ற கடுமையான சிக்கல்களும் உள்ளன.

மிகவும் சவாலான விஷயம் என்னவென்றால், குழந்தையின் உடலோடு ஒட்டியுள்ள ஒரு கூடுதல் கால், இதயத்திற்கு அருகிலிருந்து முதுகுத்தண்டு வரை நீண்டுள்ளது. இதனால் அறுவை சிகிச்சை மூலம் அந்த உறுப்பை அகற்றுவது மிக ஆபத்தானதாகவும் சிக்கலானதாகவும் மாறியுள்ளது. குழந்தையின் இதய நிலை மிகவும் மோசமாக இருப்பதாலும், மயக்க மருந்து அளிப்பதே உயிருக்கு ஆபத்தாக முடியும் என்பதாலும் தற்போது உடனடியாக அறுவை சிகிச்சை செய்ய முடியாது என மருத்துவர்கள் கூறியுள்ளனர். தற்போது குழந்தைக்கு ஆக்சிஜன் மற்றும் மருந்துகள் மூலம் தீவிரச் சிகிச்சை அளிக்கப்பட்டு, உடலைச் சீரான நிலைக்குக் கொண்டுவர மருத்துவக் குழுவினர் முயன்று வருகின்றனர்.