“ஐயோ கடவுளே.. வீட்டின் மீது 5 முறை ஏறிய வாகனம்..” 75 வயது பாட்டிக்கு நேர்ந்த விபரீதம்.. நிலத் தகராறில் அரங்கேறிய கொடூரம்..வைரலாகும் பகீர் வீடியோ..!!

மகாராஷ்டிர மாநிலம் அகோலா மாவட்டம் பார்ஷிதாக்லி தாலுகாவில் உள்ள ஜம்வாசு கிராமத்தில், நிலத் தகராறு காரணமாக பொலிரோ பிக்கப் வாகனம் ஒன்று வீட்டின் மீது மீண்டும் மீண்டும் மோதவிடப்பட்ட கொடூர சம்பவத்தில் 75 வயது முதிய பெண் பரிதாபமாக உயிரிழந்தார். வெள்ளிக்கிழமை அன்று நடைபெற்ற இந்த அதிர்ச்சியூட்டும் சம்பவத்தில், அந்த வாகனம் வீட்டின் மீது அடுத்தடுத்து 4 முதல் 5 முறை பயங்கரமாக மோதவிடப்பட்டதாக முதற்கட்டத் தகவல்கள் தெரிவிக்கின்றன. இந்த கொடூரத் தாக்குதலின் போது வீட்டிற்குள் இருந்த சோனாபாய் மகாராம் ஜாதவ் (75) என்ற முதியவர் சம்பவ இடத்திலேயே பரிதாபமாக நசுங்கி உயிரிழந்தார். மேலும், வீட்டிலிருந்த இரண்டு முதல் மூன்று பேர் பலத்த காயமடைந்தனர்.

காயமடைந்தவர்கள் அனைவரும் உடனடியாக மீட்கப்பட்டு மருத்துவ சிகிச்சைக்காக அனுப்பி வைக்கப்பட்டுள்ளனர். இந்தத் தாக்குதலால் வீட்டின் கட்டமைப்பு பலத்த சேதமடைந்துள்ளதோடு, நிலத் தகராறுக்காக அரங்கேற்றப்பட்ட இந்த அதிர்ச்சியூட்டும் வன்முறை ஒட்டுமொத்த கிராம மக்களையும் பெரும் பீதியிலும் அதிர்ச்சியிலும் ஆழ்த்தியுள்ளது. இந்தச் சம்பவம் தொடர்பாக வழக்குப் பதிவு செய்துள்ள காவல்துறையினர், இந்த வன்முறைக்குக் காரணமானவர்கள் யார் என்பது குறித்தும், தாக்குதலுக்குப் பயன்படுத்தப்பட்ட வாகனம் குறித்தும் தீவிர விசாரணை நடத்தி வருகின்றனர். குற்றவாளிகளைக் கைது செய்ய தனிப்படைகள் அமைக்கப்பட்டு தேடுதல் வேட்டை தீவிரப்படுத்தப்பட்டுள்ளது.