“நாடகம் ஆடாதே, போய் சாகு..” வாட்ஸ்அப்பில் மனைவி அனுப்பிய அந்த அதிர்ச்சி மெசேஜ்.. அடுத்த நொடியே கணவன் எடுத்த விபரீத முடிவு .. நெஞ்சை உலுக்கும் பின்னணி..!!

மத்தியப் பிரதேசத்தைச் சேர்ந்த ஜோதி என்பவருடன் கடந்த 8 மாதங்களுக்கு முன்பு திருமணமான பிரதீப் என்ற வாலிபர், மனைவியின் கொடூரமான வார்த்தைகளால் மனமுடைந்து தற்கொலை செய்துகொண்ட நெஞ்சை உலுக்கும் சம்பவம் உத்தரப் பிரதேச மாநிலம் ஹமீர்பூரின் ராத் காவல் நிலையப் பகுதியில் அரங்கேறியுள்ளது. திருமணத்திற்குப் பின் பெரும்பாலான நாட்கள் ஜோதி தனது பெற்றோர் வீட்டிலேயே தங்கி வந்த நிலையில், அவரைத் தனது வீட்டிற்கு அழைக்கப் பிரதீப் தொலைபேசியில் முயன்றபோது இருவருக்கும் இடையே கடுமையான வாக்குவாதம் ஏற்பட்டுள்ளது. அப்போது தான் தூக்குப்போட்டுக்கொள்ளப் போவதாகக் கூறி பிரதீப் தூக்குக் கயிற்றுடன் தனது புகைப்படத்தை அனுப்பியுள்ளார்; அதற்கு ஜோதி, “ஏன் இவ்வளவு நாடகமாடுகிறீர்கள்? சாக விரும்பினால் விஷம் குடியுங்கள் அல்லது வாகனத்தில் மோதுங்கள்” என்று மிகக் கொடூரமாகப் பதிலளித்துள்ளார்.

மனைவியின் இந்த இரக்கமற்ற வார்த்தைகளைக் கேட்டுத் தீவிர மனவேதனை அடைந்த பிரதீப், உடனடியாகத் தனது வீட்டில் தூக்கிட்டுத் தற்கொலை செய்துகொண்டார். பிரதீப்பின் தந்தை பல ஆண்டுகளுக்கு முன்பே இறந்துவிட்ட நிலையில், அவர் தனது தாய்க்கு ஒரே மகனாக இருந்து குடும்பத்தைக் காப்பாற்றி வந்துள்ளார். பெற்ற தாயின் ஒரே வாழ்வாதாரமாக இருந்த மகனின் உயிர், மனைவியின் அலட்சியமான மற்றும் கடுமையான பேச்சால் அநியாயமாகப் பறிபோன இந்தத் துயரச் சம்பவம், அப்பகுதி மக்களிடையே பெரும் சோகத்தையும் ஆத்திரத்தையும் ஏற்படுத்தியுள்ளது. இச்சம்பவம் குறித்து ராத் காவல் துறையினர் தீவிர விசாரணை மேற்கொண்டு வருகின்றனர்.