அடச்சீ..! இவனெல்லாம் மனுஷனா..? 2 வயது குழந்தையைக் கடத்தி கொடூரம்.. மணலில் முகத்தை அழுத்தி கொல்ல முயன்ற மிருகம்.. நெஞ்சை பதறவைக்கும் பின்னணி..!!

மத்தியப் பிரதேச மாநிலம் ஜபல்பூரில், கட்டப்பட்டு வரும் கட்டடத்தில் பெற்றோருடன் தூங்கிக் கொண்டிருந்த இரண்டு வயது பெண் குழந்தையைக் கடத்திச் சென்று பாலியல் வன்கொடுமை செய்த கொடூரச் சம்பவம் வெளிச்சத்திற்கு வந்துள்ளது. இச்சம்பவத்தின் போது குற்றவாளி அக்குழந்தையை அமுக்கிச் சாகடிக்க முயன்று, மணலில் அதன் முகத்தைப் புதைத்துள்ளான். குழந்தை அழுவதை நிறுத்தியதும், அது இறந்துவிட்டதாக நினைத்து குற்றவாளி அங்கிருந்து தப்பிச் சென்றுள்ளான். இருப்பினும் அதிர்ஷ்டவசமாக அக்குழந்தை உயிர் பிழைத்தது. இச்சம்பவம் தொடர்பாக தமோ மாவட்டத்தைச் சேர்ந்த ஆசிஷ் படேல் (28) என்பவரைப் பொலிஸார் கைது செய்துள்ளனர். இவர் மீது ஏற்கனவே 11 குற்ற வழக்குகள் நிலுவையில் உள்ள ஒரு பிரபல குற்றவாளி ஆவான்.

அக்டோபர் 9 மற்றும் 10 ஆம் தேதிகளுக்கு இடைப்பட்ட நள்ளிரவில் விஜய் நகர் காவல் எல்லைக்குட்பட்ட பகுதியில் இச்சம்பவம் நடந்துள்ளது. கூலி வேலை செய்யும் குடும்பத்தினர் கட்டடத்தில் தூங்கிக் கொண்டிருந்தபோது, நள்ளிரவு 12:00 முதல் 12:30 மணிக்குள் குழந்தை காணாமல் போனதைக் கண்டு அதிர்ச்சியடைந்தனர். தேடுதலுக்குப் பிறகு, அருகில் உள்ள மற்றொரு கட்டடத்தில் குழந்தை மீட்கப்பட்டது. தொடக்கத்தில் கடத்தல் வழக்காகப் பதிவு செய்த பொலிஸார், மருத்துவப் பரிசோதனைக்குப் பின் பாலியல் வன்கொடுமை மற்றும் போக்சோ சட்டப் பிரிவுகளின் கீழ் வழக்கைப் பதிவு செய்தனர்.

காவல்துறையின் விசாரணையில் குற்றவாளி ஆசிஷ் படேல் தன் குற்றத்தை ஒப்புக் கொண்டான். குழந்தையின் பெற்றோர் தேடும் சத்தம் கேட்டதால், குழந்தை அழுவதை நிறுத்த மணலில் அதன் முகத்தை அழுத்தியதாகக் கூறினான். அத்துடன், அன்றைய இரவே கோட்வாலி பகுதியில் உள்ள ஒரு வீட்டில் திருட முயன்று, அங்கு தூங்கிக் கொண்டிருந்த 70 வயது மூதாட்டியைத் தாக்கி கழுத்தை நெரிக்க முயன்ற வழக்கிலும் இவனுக்குத் தொடர்பிருப்பது தெரியவந்துள்ளது. தற்போது பொலிஸார் இவன் மீது கொலை முயற்சி, வன்கொடுமை மற்றும் போக்சோ உள்ளிட்ட பல்வேறு வழக்குகளைப் பதிவு செய்து மேலதிக விசாரணை நடத்தி வருகின்றனர்.