“அய்யோ என்னாச்சு..?” அப்போலோ மருத்துவமனையில் அன்புமணிக்கு அறுவை சிகிச்சை.. வெளியான பரபரப்பு தகவல்..!!

பாட்டாளி மக்கள் கட்சியின் தலைவரும், நாடாளுமன்ற மாநிலங்களவை உறுப்பினருமான அன்புமணி ராமதாஸுக்கு சென்னை கிரீம்ஸ் சாலையில் உள்ள அப்போலோ மருத்துவமனையில் முழங்கால் அறுவை சிகிச்சை வெற்றிகரமாகச் செய்யப்பட்டுள்ளது. கடந்த சில மாதங்களாகத் தீவிரக் கட்சிப் பணிகளில் ஈடுபட்டு வந்த அவர், தொடர்ந்து முழங்கால் வலியால் அவதிப்பட்டு வந்துள்ளார். இதன் காரணமாக, நேற்று அவருக்கு வலது கால் மூட்டில் ஒரு சிறிய முழங்கால் அறுவை சிகிச்சை மேற்கொள்ளப்பட்டது.

அறுவை சிகிச்சைக்குப் பிறகு அன்புமணி ராமதாஸ் தற்போது நல்ல நலமுடன் இருப்பதாகவும், அவர் இன்று மருத்துவமனையிலிருந்து டிஸ்சார்ஜ் செய்யப்பட்டு வீடு திரும்பியுள்ளார் என்றும் அப்போலோ மருத்துவமனை நிர்வாகம் அதிகாரப்பூர்வமாகத் தெரிவித்துள்ளது. அவர் முழுமையாகக் குணமடைய அடுத்த இரு வாரங்களுக்குத் தீவிர உடலியக்கப் பயிற்சியும் முழுமையான ஓய்வும் எடுக்கும்படி மருத்துவர்கள் அவருக்கு அறிவுறுத்தியுள்ளனர். இதன் காரணமாக, அவர் அடுத்த சில நாட்களுக்குத் தனது கட்சிப் பணிகள் மற்றும் பொது நிகழ்ச்சிகளில் பங்கேற்பதைத் தவிர்த்துவிட்டு வீட்டில் ஓய்வெடுக்கத் திட்டமிட்டுள்ளார்.