“மரண விளிம்பில் இந்திய வாலிபர்…” வெளிநாட்டில் நேர்ந்த விபரீதம்.. வெளியுறவுத்துறை அமைச்சகம் உடனே தலையிட கண்ணீருடன் குடும்பத்தினர் உருக்கமான வேண்டுகோள்..!!

ராஜஸ்தான் மாநிலம் நாகவுர் மாவட்டத்தைச் சேர்ந்த தன்வர் சிங் சௌகான் என்பவர், குவைத்தில் நேரிட்ட பயங்கர விபத்து காரணமாகத் தற்போது தீவிர சிகிச்சை பிரிவில் வென்டிலேட்டர் உதவியுடன் உயிருக்குப் போராடி வருகிறார். கடந்த அக்டோபர் 15-ஆம் தேதி குவைத்தில் இவருக்கு இந்த விபத்து ஏற்பட்டுள்ளது. வறுமை மற்றும் குடும்ப சூழ்நிலை காரணமாக வெளிநாட்டிற்கு வேலைக்குச் சென்ற தன்வர் சிங்கிற்கு இந்தத் துயரம் நேர்ந்துள்ளதால், அவரது ஒட்டுமொத்த குடும்பமும் தற்போது பெரும் சோகத்தில் மூழ்கியுள்ளது.

தன்வர் சிங்கின் மருத்துவச் சிகிச்சை மற்றும் அவரது தற்போதைய நிலைமையைக் கருத்தில் கொண்டு, அவரது குடும்பத்தினர் மத்திய மற்றும் மாநில அரசுகளுக்கு அவசர உதவி கோரி உருக்கமான வேண்டுகோள் விடுத்துள்ளனர். அவரைப் பாதுகாப்பாக தாயகம் அழைத்து வரவும், தேவையான உயர்தர மருத்துவச் சிகிச்சைகளை உறுதி செய்யவும் இந்திய வெளியுறவு அமைச்சகமும், ராஜஸ்தான் அரசாங்கமும் உடனடியாகத் தலையிட்டு உதவ வேண்டும் என்று அவரது குடும்பத்தினர் கண்ணீருடன் கோரிக்கை வைத்துள்ளனர்.