பூமிக்கு வந்த நிஜ தேவதை!.. மரணத்தின் விளிம்பில் போராடிய பெண்.. 2 நிமிடங்களில் நடுரோட்டில் செவிலிய மாணவி செய்த அந்த அற்புதம்.. பாராட்டித் தள்ளும் நெட்டிசன்கள்”..!!

ஹரியானாவின் கர்னாலில் ஹரியானா சாலைப் போக்குவரத்துப் பேருந்து மோதிய விபத்தில், சாலையோரத்தில் சுயநினைவின்றி விழுந்த பெண் ஒருவரை, சோனாக்ஷி என்ற செவிலிய மாணவியின் சமயோசித சிந்தனையும் உயிர்காக்கும் முயற்சியும் மீட்டெடுத்துள்ளன. கல்லூரி முடிந்து வீடு திரும்பிக் கொண்டிருந்த சோனாக்ஷி, விபத்துக்குள்ளான பெண்ணுக்கு மாரடைப்பு ஏற்பட்டிருக்கலாம் என்பதை உணர்ந்து, ஆம்புலன்ஸிற்குக் காத்திருக்காமல் உடனடியாக இதய நுரையீரல் புத்துயிரூட்டல் சிகிச்சையைத் தொடங்கினார். கூட்ட நெரிசலுக்கு மத்தியிலும், அங்கிருந்தவர்களை ஆம்புலன்ஸ் அழைக்க வலியுறுத்திக்கொண்டே சுமார் இரண்டு நிமிடங்கள் அவர் தொடர்ந்து மார்பு அழுத்தங்களை வழங்கியதால், அந்தப் பெண்ணுக்கு மீண்டும் நாடித்துடிப்பு ஏற்பட்டு உயிர் பிழைத்தார்.

அவசர கால கட்டத்தில் ஆம்புலன்ஸ் வரத் தாமதமானதால், சற்றும் பதற்றமடையாத சோனாக்ஷி, அவ்வழியாகச் சென்ற ஒரு வாகனத்தை மறித்து பாதிக்கப்பட்ட பெண்ணை அருகிலுள்ள மருத்துவமனைக்கு அனுப்ப ஏற்பாடு செய்தார். அதுமட்டுமின்றி, மருத்துவமனைக்குச் செல்லும் வழியிலும் மருத்துவர்கள் பொறுப்பேற்கும் வரை தொடர்ந்து முதலுதவி சிகிச்சை கிடைப்பதை அவர் உறுதி செய்தார். செவிலிய மாணவியின் இந்தச் சமயோசித புத்தி கூர்மை மற்றும் துணிச்சலான செயலுக்குப் பாராட்டுகள் குவிந்து வரும் வேளையில், மருத்துவ அவசர காலங்களில் உயிரைக் காக்க சிபிஆர் பயிற்சி எவ்வளவு முக்கியம் என்பதை இந்தச் சம்பவம் உணர்த்தியுள்ளது. இச்சம்பவம் குறித்து அதிகாரிகள் தீவிர விசாரணை மேற்கொண்டு வருகின்றனர்.