பகீர்..! தூரத்தில் நின்ற மனித உருவம்… அருகில் சென்ற பயணிகளுக்கு காத்திருந்த அதிர்ச்சி..! இரும்பு கம்பியால் கழுத்து நெரிக்கப்பட்டு தொங்கிய வாலிபர் சடலம்… ஜான்சியில் அதிர வைக்கும் சம்பவம்..!!

உத்தரப் பிரதேச மாநிலம் ஜான்சியில் உள்ள வீராங்கனை லட்சுமிபாய் ரயில் நிலையத்தின் நடைமேடை எண் 1-ல் அமைந்துள்ள நடைமேம்பாலத்தின் இரும்பு வலையில், இளைஞர் ஒருவரின் சடலம் சந்தேகத்திற்குரிய முறையில் தொங்கிய நிலையில் கண்டெடுக்கப்பட்டது பெரும் பரபரப்பை ஏற்படுத்தியது. ஆரம்பத்தில் அந்த இளைஞர் சாதாரணமாக நின்றுகொண்டிருப்பது போலத் தெரிந்தாலும், பயணிகள் அருகே சென்று பார்த்தபோதே அவர் உயிரிழந்திருப்பது தெரியவந்தது. உடனடியாக இது குறித்து அரசு ரயில்வே போலீஸ் மற்றும் ரயில்வே பாதுகாப்புப் படைக்கு தகவல் தெரிவிக்கப்பட்டது.

சம்பவ இடத்திற்கு விரைந்து வந்த ஜிஆர்பி மற்றும் ஆர்பிஎஃப் போலீசார், இளைஞரின் கழுத்தில் சுற்றப்பட்டிருந்த மெல்லிய இரும்பு கம்பியை கவனமாக அறுத்து சடலத்தைக் கீழே இறக்கினர். தடயங்களைச் சேகரித்த பின், சடலம் பிரேதப் பரிசோதனைக்காக மாவட்ட மருத்துவமனைக்கு அனுப்பி வைக்கப்பட்டது. உயிரிழந்தவரின் பாக்கெட்டில் இருந்த அடையாள அட்டையை வைத்து ஆய்வு செய்ததில், அவர் உத்தரப் பிரதேசத்தின் புலந்தஷாகர் பகுதியைச் சேர்ந்த ரிதேஷ் குமார் என்பது கண்டறியப்பட்டது. இதனைத் தொடர்ந்து அவரது குடும்பத்தினருக்குத் தகவல் அளிக்கப்பட்டது.

இந்தச் சம்பவம் தற்கொலையா அல்லது இதன் பின்னணியில் ஏதேனும் சதித்திட்டம் உள்ளதா என்ற கோணத்தில் போலீசார் தீவிர விசாரணை நடத்தி வருகின்றனர். பிரேதப் பரிசோதனை அறிக்கை வெளிவந்த பிறகே இளைஞரின் உயிரிழப்பிற்கான உண்மையான காரணம் தெரியவரும் என்று ஜிஆர்பி அதிகாரிகள் தெரிவித்துள்ளனர்.