பகீர்… காட்டுப்பகுதியில் கேட்ட பயங்கர அலறல் சத்தம்..! ஓடிவந்து பார்த்த மேய்ப்பர்களுக்குக் காத்திருந்த அதிர்ச்சி… ஆந்திராவில் நடந்த சோக சம்பவம்..!!

ஆந்திரப் பிரதேசத்தின் ஸ்ரீ சத்ய சாய் மாவட்டத்தில் உள்ள கதிரி மண்டலத்திற்குட்பட்ட பட்டாளப்பள்ளி தண்டா வனப்பகுதியில் ஒரு சோகமான விபத்து நடந்துள்ளது. ஓபுலதேவரசெருவு மண்டலம் மிட்டப்பள்ளி கிராமத்தைச் சேர்ந்த பயாஸ் என்ற ஆட்டோ ஓட்டுநரும், நல்லமாடா பகுதியைச் சேர்ந்த மல்லேஸ்வரி என்ற பெண்ணும் கடந்த சில காலமாக காதலித்து வந்தனர். இருவரும் தனியாகச் சந்தித்துப் பேசுவதற்காக ஆட்டோவில் கதிரி பகுதி வனப்பகுதிக்குச் சென்றுள்ளனர்.

காட்டின் அமைதியான பகுதியில் இருவரும் அமர்ந்து பேசிக் கொண்டிருந்தபோது, எதிர்பாராதவிதமாக மேலிருந்த மின்சாரக் கம்பி அறுந்து நேரடியாக அவர்கள் மீது விழுந்தது. இதனால் மின்சாரம் பாய்ந்து பயாஸ் படுகாயமடைந்து சம்பவ இடத்திலேயே மயங்கி விழுந்தார்; அவருடன் இருந்த மல்லேஸ்வரியும் காயமடைந்தார். காட்டில் நடந்த இந்த விபத்தால் எழுந்த அலறல் சத்தத்தைக் கேட்டு, அருகில் கால்நடைகளை மேய்த்துக் கொண்டிருந்த மேய்ப்பாளர்கள் விரைந்து வந்து பார்த்து அதிர்ச்சியடைந்தனர்.

அவர்கள் உடனடியாகப் போலீசாருக்கும் ஆம்புலன்ஸுக்கும் தகவல் தெரிவித்தனர். சம்பவ இடத்திற்கு வந்த காவல்துறையினர் இருவரையும் மீட்டு மருத்துவமனைக்கு அனுப்பி வைத்தனர். பயாஸின் நிலைமை மிகவும் தீவிரமாக இருந்ததால், முதலுதவிக்குப் பின் மேல் சிகிச்சைக்காக பெங்களூரு மருத்துவமனைக்குக் கொண்டு செல்லப்பட்டார். லேசான காயமடைந்த மல்லேஸ்வரி அனந்தபூர் அரசு மருத்துவமனையில் சிகிச்சை பெற்று வருகிறார். மின்சாரக் கம்பி எவ்வாறு அறுந்து விழுந்தது என்பது குறித்துப் போலீசார் வழக்குப் பதிவு செய்து விசாரணை நடத்தி வருகின்றனர்.