GALLERY
பன்முக நாயகன் பாக்கியராஜின் பிறந்தநாள்…. இதுவரை நீங்கள் பார்க்காத குடும்ப புகைப்படங்கள் இதோ…!!
தமிழ் திரையுலகில் நடிகர், இயக்குனர், திரைக்கதை அமைப்பாளர், வசன எழுத்தாளர் என பன்முகத்தன்மை கொண்டவர் கே.பாக்யராஜ்.
அவர் பாரதிராஜாவிடம் உதவி இயக்குனராக 16 வயதினிலே, கிழக்கே போகும் ரயில், சிகப்பு ரோஜாக்கள் ஆகிய படங்களில் வேலை பார்த்தார். கடந்த 1978-ஆம் ஆண்டு பாக்யராஜ் தனது திரை வாழ்க்கையை தொடங்கினார்.
இதனையடுத்து புதிய வார்ப்புகள் படத்தில் பாக்கியராஜ் கதாநாயகனாக அறிமுகமானார். ஒரு கை ஓசை திரைப்படம் பாக்யராஜுக்கு நல்ல வரவேற்பை பெற்று தந்தது.
இந்த படத்தில் அஸ்வினி அவருக்கு இணைந்து ஜோடியாக நடித்தார். வாய் பேச இயலாத ஊமை கதாநாயகனாக நடித்து ரசிகர்கள் மனதில் இடம் பிடித்தார்.
இதனையடுத்து பாக்யராஜின் மௌன கீதங்கள், இன்று போய் நாளை வா, விடியும் வரை காத்திரு, அந்த ஏழு நாட்கள், தூறல் நின்னு போச்சு ஆகிய திரைப்படங்கள் வெற்றி பெற்றது.
இதனைத் தொடர்ந்து டார்லிங் டார்லிங் டார்லிங் என்ற வெற்றி படத்தை இயக்கி அதில் நடித்த பூர்ணிமாவை தனது மனைவியாக ஏற்று திருமணம் செய்து கொண்டார்.
முக்கியமாக சின்ன வீடு, எங்க சின்ன ராசா , இது நம்ம ஆளு போன்ற திரைப்படங்கள் அவருக்கு விருதுகளை பெற்று கொடுத்தது.
பாக்யராஜ்-பூர்ணிமா தம்பதியினருக்கு சரண்யா என்ற மகளும், சாந்தனு என்ற மகளும் இருக்கின்றனர். இதில் சாந்தனு சக்கரகட்டி என்ற படத்தில் கதாநாயகனாக அறிமுகம் ஆனார்.
பாக்யராஜின் குருவாக பாரதிராஜா திகழ்ந்தார். இதே போல பாக்யராஜும் பாண்டியராஜன், ரா.பார்த்திபன், லிவிங்ஸ்டன், வி .சேகர் ஆகிய வெற்றி இயக்குனர்களை உருவாக்கினார்.
இந்நிலையில் சாந்தனு தனது அப்பாவின் பிறந்தநாளை முன்னிட்டு சிறு வயது முதல் தற்போது வரை உள்ள புகைப்படங்களை பகிர்ந்து பிறந்தநாள் வாழ்த்து கூறியுள்ளார். அந்த புகைப்படங்கள் சமூக வலைதளத்தில் வேகமாக பரவி வருகிறது.