“ஆணவம் அழிவிற்கு வழி!” அனிதா ராதாகிருஷ்ணன் கைதால் ஆவேசமடைந்த திமுக தலைவர் மு.க.ஸ்டாலின்… தவெக அரசுக்குக் கடும் எச்சரிக்கை..!!

“ஆணவம் அழிவிற்கு வழி!” என்று முன்னாள் அமைச்சர் அனிதா ராதாகிருஷ்ணன் கைதைக் கண்டித்து திமுக தலைவர் மு.க.ஸ்டாலின் தவெக அரசை மிகக் கடுமையாக விமர்சித்துள்ளார். அவதூறு வழக்கில் கைது செய்வதாக இருந்தால், இன்றைய அமைச்சர்கள் பேசும் பேச்சுக்கெல்லாம் எத்தனை பேரைக் கைது செய்வது என்று கேள்வி எழுப்பியுள்ள அவர், இந்த அடக்குமுறை நடவடிக்கை தவெக அரசின் வீழ்ச்சிக்குக் வழிவகுக்கும் என்று எச்சரித்துள்ளார்.

வாக்களித்த மக்களுக்கு எந்தவொரு நன்மையும் செய்யாமல், குதிரைப்பேரத்தின் மூலமாகத் தனது நாற்காலியைக் காப்பாற்றிக் கொள்ள தவெக அரசு முயல்வதாக ஸ்டாலின் சாடியுள்ளார். தன்னை விமர்சிக்கும் எதிர்க்கட்சிகளைத் தொடர்ந்து கைது செய்து பழிவாங்கும் அரசியலில் ஈடுபடுவதன் மூலம் காலத்தைக் கடத்திவிடலாம் என முதலமைச்சர் விஜய் நினைப்பதாக அவர் தனது கண்டன அறிக்கையில் நேரடியாகக் குற்றம் சாட்டியுள்ளார்.

அரசியல் மேடை விமர்சனங்களுக்காகக் பழிவாங்கும் நோக்கில் நடத்தப்படும் இதுபோன்ற கைது நடவடிக்கைகளை திமுக சட்டப்படி எதிர்கொள்ளும் என்றும் அவர் தெரிவித்துள்ளார். அனிதா ராதாகிருஷ்ணன் கைது செய்யப்பட்டதைத் தொடர்ந்து திமுக மற்றும் தவெக ஆகிய இரு தரப்பிற்கும் இடையே அரசியல் மோதல் உச்சக்கட்டத்தை எட்டியுள்ளதால், தமிழக அரசியல் களம் தற்பொழுது பெரும் பரபரப்பில் ஆழ்ந்துள்ளது.