“என் புள்ளைக்கு அப்பா அந்த டாக்டரா…?!” 40 வருஷம் கழிச்சு கதறி அழுத தாய்… நீதிமன்றப் படியேறிய மகன் வெளிக்கொண்டு வந்த பகீர் உண்மை..!!

1980-ஆம் ஆண்டு குழந்தை பாக்கியம் இல்லாத மேரி எலன் லுகேசிச் என்ற பெண், தன் கணவருடன் அமெரிக்காவின் மில்வாக்கியில் உள்ள பிரபல மகப்பேறு நிபுணரான டாக்டர் ஃபிரடெரிக் டெட்மேனை அணுகினார். ஆரோக்கியமான மருத்துவக் கல்லூரி மாணவர் ஒருவரின் விந்தணுவை வைத்துச் செயற்கை கருத்தரிப்பு செய்வதாகக் கூறிய டாக்டரின் சிகிச்சையை நம்பி மேரி ஒப்புக் கொண்டார். 1983-இல் அவர்களுக்கு ஜோசப் என்ற ஆண் குழந்தை பிறந்தது. தம்பதியினரும் அக்குழந்தையை பாசத்துடன் வளர்த்து வந்தனர்.

40 ஆண்டுகள் கழித்து, 2024-இல் ஜோசப் வேடிக்கையாக ஒரு DNA பரிசோதனை செய்து பார்த்தபோது அவருக்குப் பல அரை-சகோதரர்கள் இருப்பது தெரியவந்தது. இதைப் பற்றித் துருவி ஆராய்ந்தபோது, டாக்டர் டெட்மேன் மாணவரின் விந்தணுவைப் பயன்படுத்துவதற்குப் பதிலாக, மேரிக்குத் தெரியாமல் தன்னுடைய சொந்த விந்தணுவைச் செலுத்தி ஏமாற்றிய கொடூர உண்மை வெளிச்சத்திற்கு வந்தது. தன் தாய்க்கு இழைக்கப்பட்ட அநீதியைக் கண்டு அதிர்ச்சியடைந்த ஜோசப், தன் தாயுடன் சேர்ந்து மில்வாக்கி கவுண்டி நீதிமன்றத்தில் டாக்டர் மீது வழக்குப் பதிவு செய்தார்.

தற்போது 91 வயதாகும் டாக்டர் டெட்மேன், “50 வருடங்களுக்கு முன் நடந்ததாகக் கூறுவது எதுவும் எனக்கு நினைவில் இல்லை” என்று மறுத்து வருகிறார். ஆனால், விசாரணையில் அவருக்கு அரிசோனாவிலும் மருத்துவ உரிமம் இருப்பது கண்டறியப்பட்டுள்ளதுடன், அவர் இதேபோல இன்னும் பல பெண்களை ஏமாற்றியிருக்கலாம் என்றும் வழக்கறிஞர்கள் சந்தேகிக்கின்றனர். பாதிக்கப்பட்ட பிற பெண்களையும் தைரியமாக முன்வருமாறு ஜோசப் அழைப்பு விடுத்துள்ள நிலையில், அமெரிக்காவையே உலுக்கிய இந்த வழக்கின் நீதிமன்றத் தீர்ப்பை நோக்கி அனைவரும் எதிர்பார்த்துக் காத்திருக்கின்றனர்.