“அடச்சீ உங்களுக்கு மனசாட்சியை இல்லையா..?” 5 நாளாக அழுகிய தந்தையின் உடலை வாங்க மறுத்த கொடூர மகன்கள்.. நெஞ்சைப் பதறவைக்கும் திடுக்கிடும் பின்னணி..!!

தெற்கு டெல்லியின் கல்காஜி காவல் நிலையப் பகுதிக்குட்பட்ட கோவிந்தபுரி எக்ஸ்டென்ஷன் பகுதியில், 75 வயதான ரபி டே என்ற வயதான இசைக்கலைஞர் வாடகை அறை ஒன்றில் தனியாக வசித்து வந்துள்ளார். கடந்த ஐந்து நாட்களுக்கு முன்பு அவர் மரணமடைந்த நிலையில், அவரது உடல் குளியலறைக் கதவின் அருகில் முற்றிலுமாகச் சிதைந்தும் அழுகிய நிலையிலும் கிடந்துள்ளது. கடந்த ஆகஸ்ட் 14-ஆம் தேதி அன்று அந்த அறையிலிருந்து கடுமையான துர்நாற்றம் வீசத் தொடங்கியதை அடுத்து, அப்பகுதி மக்கள் உடனடியாகக் காவல்துறையினருக்குத் தகவல் அளித்துள்ளனர். இதனையடுத்து அங்கு வந்த காவல்துறையினர் மற்றும் தீயணைப்புத்துறையினர், உள்ளிருந்து பூட்டப்பட்டிருந்த இரும்புக் கதவை உடைத்துச் சென்று சடலத்தைக் கைப்பற்றினர்.

இறந்த முதியவரின் மகன்களான தோர்ஜோ டே மற்றும் ரோங்கன் டே ஆகியோர், அங்கிருந்து வெறும் ஐந்து கிலோமீட்டர் தொலைவில் உள்ள லஜ்பத் நகரில் வசித்து வருவது விசாரணையில் தெரியவந்துள்ளது. அவர்களுக்குத் தகவல் தெரிவிக்கப்பட்ட போதிலும், தாங்கள் வேலையில் மும்முரமாக இருப்பதாகக் கூறி தந்தையின் உடலைப் பெற்றுக்கொள்ளவோ அல்லது இறுதிச் சடங்குகளில் கலந்துகொள்ளவோ அவர்கள் ஆரம்பத்தில் மறுத்துள்ளனர். பின்னர் காவல்துறையினரின் கடும் அழுத்தத்தைத் தொடர்ந்து, ஆகஸ்ட் 16-ஆம் தேதி சவக்கிடங்கிற்குச் சென்ற அவர்கள், பிரேதப் பரிசோதனைக்குப் பின்னரே உடலைத் தகனம் செய்ய எடுத்துச் சென்றுள்ளனர். பெற்ற தந்தையின் மரணத்தைக் கூடப் பொருட்படுத்தாமல் பிள்ளைகள் நடந்து கொண்ட இந்த அதிர்ச்சியூட்டும் சம்பவம் அப்பகுதியில் பெரும் சோகத்தையும் விவாதத்தையும் ஏற்படுத்தியுள்ளது.