“சேலத்துக்காரர் கிட்ட நான் பேசுகிறேன்.. நம்பிக்கையில்லா தீர்மானம் கொண்டு வாங்க!” பொங்கலுக்குள் தவெக ஆட்சியைக் கலைக்க திமுக மாஜிக்கல் ரகசியத் திட்டம்..? அரசியல் வட்டாரத்தில் பெரும் பரபரப்பு..!!

தமிழகத்தில் முதலமைச்சர் விஜய் தலைமையில் தவெக ஆட்சி நடைபெற்று வரும் நிலையில், வரும் பொங்கலுக்குள் இந்த ஆட்சியைக் கவிழ்க்க திமுகவின் முன்னாள் அமைச்சர்கள் ரகசியக் கூட்டம் நடத்தி வியூகம் வகுத்துள்ளதாகப் பிரபல நாளிதழில் வெளியான செய்தி அரசியல் வட்டாரத்தில் பெரும் பரபரப்பை ஏற்படுத்தியுள்ளது. தவெக அரசுக்கு எதிராகப் பல்வேறு அரசியல் நகர்வுகள் முன்னெடுக்கப்பட்டு வரும் சூழலில் இந்த ரகசிய ஆலோசனை குறித்த தகவல் வெளியாகியுள்ளது.

இந்த ரகசியக் கூட்டத்தில் பங்கேற்ற திமுகவின் மூத்த தலைவர் ஒருவர், எதிர்க்கட்சித் தலைவரான “சேலத்துக்காரர்” எடப்பாடி பழனிசாமியிடம் தான் பேசிச் சம்மதிக்க வைப்பதாகக் கூறியுள்ளார். தவெக அரசுக்கு எதிராக தைரியமாக நம்பிக்கையில்லாத் தீர்மானத்தைக் கொண்டு வருமாறும், அதற்கான ஆதரவைத் திரட்டும் பொறுப்பைத் தான் பார்த்துக் கொள்வதாகவும் அவர் அமைச்சர்களிடம் உறுதியளித்ததாக அந்தச் செய்தியில் குறிப்பிடப்பட்டுள்ளது.

திமுக மற்றும் அதிமுக ஆகிய இரு முக்கிய கட்சிகளும் இணைந்து தவெக ஆட்சியைக் கலைக்க ரகசியமாகத் திட்டமிடுகிறதா என்ற கேள்வி இந்தச் செய்தியின் மூலம் எழுந்துள்ளது. இந்தத் தகவல் சமூக வலைத்தளங்களிலும், அரசியல் வட்டாரங்களிலும் காட்டுத்தீயாகப் பரவி வருவதால், தமிழக அரசியலில் அடுத்தடுத்துப் பெரிய திருப்பங்கள் ஏற்படலாம் என்ற அதிரடி எதிர்பார்ப்பு ஏற்பட்டுள்ளது.