மனுஷன் அப்படியே உருகிட்டாருப்பா..! காலேஜ் பராமரிப்பாளருக்கு மாணவர்கள் கொடுத்த வேற லெவல் சர்ப்ரைஸ்..! இணையத்தை நெகிழ வைத்த கியூட் வீடியோ..!!

கேரளாவில் உள்ள செயிண்ட் கிரிகோரியோஸ் பல் மருத்துவக் கல்லூரியைச் சேர்ந்த மாணவர்கள், தங்கள் கல்லூரியின் பராமரிப்பாளராகப் பணியாற்றி வரும் ‘ஜானி சேட்டன்’ என்பவருக்கு கையால் வரையப்பட்ட அவரது உருவப்படத்தைப் பரிசளித்து ஆச்சரியப்படுத்தியுள்ளனர். பின்னணியில் இருந்து உழைக்கும் ஒருவரை அன்போடு கௌரவித்த இந்த நெகிழ்ச்சியான சம்பவம் குறித்த வீடியோ தற்போது சமூக வலைத்தளங்களில் வைரலாகி வருகிறது.

ஹரிபிரியா ஹமேஷ் என்ற மாணவி தனது இன்ஸ்டாகிராம் பக்கத்தில் பகிர்ந்துள்ள அந்த வீடியோவில், மாணவர்கள் ஜானி சேட்டனைச் சுற்றி நின்று அழகாகப் பேக் செய்யப்பட்ட பரிசை வழங்குகின்றனர். அதை ஆர்வத்துடன் பிரித்துப் பார்க்கும் அவர், அதில் தன் சொந்த உருவப்படம் இருப்பதைக்கண்டு மிகுந்த மகிழ்ச்சியடைவதோடு நெகிழ்ச்சியில் புன்னகைக்கிறார். “தூய்மையான ஆன்மா” என்ற குறிப்புடன் பகிர்ந்துள்ள இந்த வீடியோவின் இறுதியில், அவர் அந்த ஓவியத்தைப் பெருமையுடன் கையில் ஏந்தியபடி மாணவர்களுடன் சேர்ந்து புகைப்படத்திற்குப் புகைப்படக் கருவிக்கு முன்னால் நிற்கிறார்.

https://www.instagram.com/reel/DaNjV-xJw-9/?utm_source=ig_embed&ig_rid=A6Wv9yxGiJzRB_oi88S8T-6

இந்தக் காணொளியைக் கண்ட இணையவாசிகள் மாணவர்களின் இந்த பண்பான செயலைப் பெரிதும் பாராட்டி வருகின்றனர். பணத்தை விடவும், சொந்தக் கையால் வரைந்து அன்போடு தரப்படும் பரிசுகளுக்கே மதிப்பும் உணர்வுப்பூர்வமான பிணைப்பும் அதிகம் என்றும், எளிய முறையில் அன்பை வெளிப்படுத்தும் இதுபோன்ற நிகழ்வுகள் மனிதநேயத்தை உணர்த்துவதாகவும் சமூக வலைத்தளங்களில் கருத்துகளைப் பதிவிட்டு வருகின்றனர்.