மகளிர் உரிமைத் தொகை.. புதிய விண்ணப்பம் அறிவிப்பு..? காலையிலேயே வெளியான சூப்பர் நியூஸ்…!!

தமிழக முதலமைச்சர் விஜய், மகளிர் உரிமைத் தொகையை ரூ.2,500 ஆக உயர்த்துவது குறித்த அதிகாரப்பூர்வ அறிவிப்பை வரும் பட்ஜெட் கூட்டத்தொடரில் வெளியிடுவார் எனப் பெரிதும் எதிர்பார்க்கப்படுகிறது. தேர்தல் வாக்குறுதிகளில் ஒன்றான இத்திட்டத்தின் தொகையை உயர்த்துவதற்கான இறுதிக்கட்டப் பணிகளில் தமிழக அரசு தீவிரமாக ஈடுபட்டு வருகிறது. நிதிச் சுமையைக் குறைக்கும் வகையில், தற்போதைய பயனாளிகளில் 60 வயதுக்கு மேற்பட்ட தகுதியான மூத்த குடிமக்களை நேரடியாக முதியோர் உதவித்தொகை திட்டத்தின் கீழ் மாற்றும் நடவடிக்கைகள் முடுக்கிவிடப்பட்டுள்ளன. இவ்வாறு முதியோர்களை அந்தப் பிரிவில் சேர்த்த பின்னர், எஞ்சியிருக்கும் பயனாளிகளுக்கான துல்லியமான மாதாந்திர நிதிச் செலவினங்களை அரசு தற்போது விரிவாகக் கணக்கிட்டு வருகிறது.

இந்தக் கணக்கெடுப்புப் பணிகள் தற்பொழுது முழு வீச்சில் நடைபெற்று வருவதால், மகளிர் உரிமைத் தொகைக்கான புதிய விண்ணப்பங்கள் தற்போதைக்கு வழங்கப்படாது என்று நம்பகமான தகவல்கள் தெரிவிக்கின்றன. தற்போதைய பயனாளிகளின் பட்டியல் சீரமைக்கப்பட்டு, நிதி ஒதுக்கீடு குறித்த முழுமையான அறிக்கை தயாரான பிறகே புதிய விண்ணப்பங்கள் பெறுவது குறித்த அறிவிப்பு வெளியாகும் எனக் கூறப்படுகிறது. அரசின் இந்தத் திட்டமிடல் மூலம், தகுதியான பெண்களுக்குத் தடங்கலின்றி ₹2,500 முழுமையாகச் சென்றடைவது உறுதி செய்யப்படும் எனத் தலைமைச் செயலக வட்டாரங்கள் தெரிவிக்கின்றன.