எதிர்கால போர்களில் AI தோற்குமா?.. ரோபோக்கள் போரிட்டாலும் மனித சக்திதான் மாஸ்… ராணுவ வீரர்களின் பவர் பற்றி பேசிய ராஜ்நாத் சிங்….!!

எதிர்காலத்தில் நடைபெறும் போர்கள் பெருமளவு செயற்கை நுண்ணறிவு தொழில்நுட்பத்தின் உதவியுடன் முன்னெடுக்கப்படலாம் என்றாலும், தகுதிவாய்ந்த ராணுவ வீரர்களின் வலிமை மற்றும் நாட்டின் அசைக்க முடியாத உறுதிப்பாடு ஆகியவையே இறுதி வெற்றியைத் தீர்மானிக்கும் என்று மத்திய பாதுகாப்புத்துறை அமைச்சர் திரு. ராஜ்நாத் சிங் தெரிவித்துள்ளார். அதிநவீன தொழில்நுட்பங்களும், பாரம்பரிய போர் தளவாடங்களும் ஒன்றுக்கொன்று எதிரானவை அல்ல; அவை ஒன்றுசேர்ந்து செயல்படும்போதே பாதுகாப்பு கட்டமைப்பு முழுமையடையும் என்பதையும் அவர் சுட்டிக்காட்டினார்.

பாதுகாப்பு உற்பத்தியில் ஆந்திராவின் வளர்ச்சி விசாகப்பட்டினத்தில் நடைபெற்ற ‘ஐஎன்எஸ் மகேந்திரகிரி’ போர்க்கப்பலின் தொடக்க விழாவில் பங்கேற்றுப் பேசிய அவர், ஆந்திர மாநிலத்தின் தற்போதைய வளர்ச்சியையும் பாராட்டினார். இந்தியாவின் பாதுகாப்புத் துறை மற்றும் விண்வெளி உபகரணங்கள் உற்பத்தியில் ஆந்திரப் பிரதேசம் தற்போது ஒரு மாபெரும் சக்திவாய்ந்த மையமாக உருவெடுத்துள்ளது என்று அவர் பெருமிதத்துடன் குறிப்பிட்டார்.

ஐஎன்எஸ் மகேந்திரகிரி கப்பலின் சிறப்பம்சங்கள் ‘ப்ராஜெக்ட் 17ஏ’ திட்டத்தின் கீழ் உருவாக்கப்பட்ட ஆறாவது போர்க்கப்பலான ‘ஐஎன்எஸ் மகேந்திரகிரி’, சுமார் 6,670 டன் எடை கொண்டது. மணிக்கு 28 நாட்டிக்கல் மைல் வேகத்தில் பயணிக்கக்கூடிய இந்த அதிநவீன போர்க்கப்பல், எதிரிகளின் ரேடாருக்குத் தெரியாமல் மறைந்திருந்து தாக்கும் தொழில்நுட்பத்தைக் கொண்டுள்ளது. மேலும், வான்வழித் தாக்குதல்கள், நீர்ப்பரப்பில் உள்ள எதிரிக் கப்பல்கள் மற்றும் நீர்மூழ்கிக் கப்பல்கள் என பலமுனை அச்சுறுத்தல்களையும் ஒரே நேரத்தில் எதிர்கொண்டு அழிக்கும் ஆற்றல் கொண்ட பல்நோக்குக் கப்பலாக இது வடிவமைக்கப்பட்டுள்ளது.