“சிவன் பிரபஞ்சத்தை அழிப்பவரா..?” வெளிநாட்டவர் சொன்ன ‘ஒரே ஒரு’ வார்த்தை… சிவ பக்தர்களை மெய்சிலிர்க்க வைத்த நெகிழ்ச்சி வீடியோ..!!!

இந்து மதத்தில் சிவபெருமான் ‘பிரபஞ்சத்தை அழிப்பவர்’ என்று அழைக்கப்படுவதன் உண்மையான தத்துவார்த்தப் பின்னணியை, மேக்ஸ் பாண்டி என்ற வெளிநாட்டவர் விளக்கி வெளியிட்டுள்ள இன்ஸ்டாகிராம் காணொளி சமூக வலைதளங்களில் வைரலாகி வருகிறது. பொதுவாக ‘அழிப்பு’ என்ற வார்த்தையைத் தீமையோடு தொடர்புபடுத்தும் மேற்கத்திய பார்வைகளுக்கு மாற்றாக, சிவன் நமக்குத் தேவையில்லாத கெட்ட பழக்கவழக்கங்கள், தவறான எண்ணங்கள் மற்றும் வாழ்க்கை முன்னேற்றத்தைத் தடுக்கும் தடைகளை அழிக்கும் ‘உன்னத சக்தியாக’ விளங்குவதாக அவர் கூறியுள்ளார். நமது உண்மையான ஆன்மீக வளர்ச்சிக்கும் சுய முன்னேற்றத்திற்கும் சிவபெருமானின் இந்த அழிக்கும் சக்தி அவசியமானது என்றும், “ஓம் நம சிவாய” என்ற மந்திரம் மூலம் அவரை வழிபடலாம் என்றும் அவர் நெகிழ்ச்சியுடன் பகிர்ந்துள்ளார்.

https://www.instagram.com/reel/DbB8lxcSQh4/?utm_source=ig_web_button_share_sheet

மில்லியன் கணக்கிலான பார்வைகளையும் லட்சக்கணக்கான லைக்குகளையும் குவித்து வரும் இக்காணொளிக்கு, உலகெங்கிலும் உள்ள சிவ பக்தர்கள் தங்களது நெகிழ்ச்சியான கருத்துகளைப் பதிவிட்டு வருகின்றனர். சிவபெருமானின் பெருமையையும் ஆன்மீகத் தத்துவத்தையும் உலகறியச் செய்ய மேக்ஸை சிவன் தேர்ந்தெடுத்துள்ளதாகப் பயனர்கள் பாராட்டி வருகின்றனர். மேலும், சிவன் என்பது தூய பிரக்ஞை என்றும், மனிதர்களின் அறியாமை மற்றும் மாயைகளை அழிப்பவர் என்பதால் தான் அவர் ‘அழிப்பவர்’ என்று அழைக்கப்படுகிறார் என்றும் பல ஆன்மீக ஆர்வலர்கள் இக்காணொளியின் பின்னூட்டத்தில் கருத்துகளைப் பகிர்ந்து வருகின்றனர்.