“இனி வாழ்நாளில் சலவையகப் பக்கமே போக மாட்டேன்..!” காலாவதியான சலவைப் பவுடர்களை மொத்தமாக மூட்டை கட்டிய தொழிலாளர்கள்… ஸ்மார்ட் பஜார் சம்பவத்தால் கொந்தளித்த வாடிக்கையாளர்..!!

ரிலையன்ஸ் ஸ்மார்ட் பஜாரில் நடைபெற்ற அதிர்ச்சிகரமான சம்பவம் தொடர்பாக வாடிக்கையாளர் ஒருவர் தீவிர குற்றச்சாட்டுகளை முன்வைத்துள்ளார். சமீபத்தில் ஷாப்பிங் செய்வதற்காக ரிலையன்ஸ் ஸ்மார்ட் பஜார் சென்றிருந்த அந்த வாடிக்கையாளர், அங்கிருந்த சலவை தொழிலாளர்கள் சிலர் பெருமளவில் காலாவதியான சலவைப் பொடிகளை மொத்தமாக வாங்கிச் செல்வதைக் கவனித்துள்ளார். இவ்வளவு பெரிய அளவில் காலாவதியான பவுடர்களை வாங்கி என்ன செய்யப் போகிறீர்கள் என்று அவர்களிடம் விசாரித்தபோது, தாங்கள் சலவைத் தொழில் செய்து வருவதாக அவர்கள் பதிலளித்துள்ளனர்.

காலாவதியான சலவை மற்றும் துப்புரவுப் பொருட்களைப் பயன்படுத்தி ஆடைகளைத் துவைக்கும் போது, அது பொதுமக்களின் ஆடைகளுக்குப் பெரும் சேதத்தை விளைவிக்கும் அபாயம் உள்ளது. வாடிக்கையாளர்களிடம் கட்டணம் பெற்றுக்கொண்டு சேவை செய்யும்போது தரமான பொருட்களை மட்டுமே பயன்படுத்த வேண்டும் என்றும், இது போன்ற முறையற்ற மற்றும் காலாவதியான பொருட்களைப் பயன்படுத்துவது முற்றிலும் ஏற்றுக்கொள்ள முடியாதது என்றும் கவலை தெரிவிக்கப்பட்டுள்ளது.

இந்த சம்பவத்தை நேரில் பார்த்த வாடிக்கையாளர், இனி எதிர்காலத்தில் எப்போதும் தனது துணிகளைச் சலவை நிலையங்களுக்குக் கொடுத்துத் துவைக்கப் போவதில்லை என்று தனது அதிருப்தியை வெளிப்படுத்தியுள்ளார். மேலும், ரிலையன்ஸ் ஸ்மார்ட் பஜார் நிறுவனம் காலாவதியான எந்தப் பொருட்களையும் முறையாகத் தூக்கி எறிவதில்லை என்றும், ஏதேனும் ஒரு வழியில் அவற்றை விற்றுப் பணம் ஈட்டுவதிலேயே மட்டுமே குறியாக இருக்கிறது என்றும் அவர் கடுமையான குற்றச்சாட்டுகளைச் சுமத்தியுள்ளார்.