அடச்சீ…! பல் சுத்தம் செய்யப்போன இடத்தில் இப்படியா..? சிகிச்சை என்ற பெயரில் அத்துமீறிய காமாந்தகாரன்… கடைசியில் கம்பி எண்ண வைத்த பெண்..!!

உத்தரகாண்ட் மாநிலம் சமோலி மாவட்டத்தில் உள்ள ஜோதிர்மத் முதன்மைச் சந்தைப் பகுதியில் பல் சுத்தம் செய்யச் சென்ற இளம்பெண் ஒருவரிடம் தவறாக நடந்துகொண்ட கடைக்காரரை காவல் துறையினர் கைது செய்துள்ளனர். அந்தப் பெண் செவ்வாய்க்கிழமை பிற்பகலில் காவல் நிலையம் சென்று கடைக்காரருக்கு எதிராக எழுத்துப்பூர்வமாகப் புகார் அளித்தார். பல் சுத்தம் செய்யும் போது கடைக்காரர் தனது உடலில் தவறான நோக்கத்தில் கைவைத்து துன்புறுத்தியதாக அந்தப் பெண் தனது புகாரில் குற்றம் சாட்டியுள்ளார்.

சம்பவத்தன்று, அந்த இளம்பெண் ஜோதிர்மத் சந்தையில் பல் சுத்தம் செய்யும் கடை நடத்தி வரும் நபரிடம் சென்றுள்ளார். அந்த நபர் கடந்த சில ஆண்டுகளாக அப்பகுதியில் பல் சுத்தம் செய்தல் மற்றும் அது தொடர்பான பணிகளைச் செய்து வந்துள்ளார். இந்தச் சம்பவம் தொடர்பான தகவல்கள் சமூக வலைதளங்களில் பரவியதைத் தொடர்ந்து, பாதிக்கப்பட்ட பெண் காவல் நிலையத்திற்குச் சென்று புகார் அளித்துள்ளார். புகாரைப் பெற்ற காவல்துறை உடனடியாக இந்த விவகாரத்தைக் தீவிரமாக எடுத்துக்கொண்டு விசாரணையைத் தொடங்கியது.

எழுத்துப்பூர்வப் புகாரின் அடிப்படையில் குற்றஞ்சாட்டப்பட்ட சத் பால் என்பவரைக் காவல்துறையினர் கைது செய்துள்ளனர் என்று காவல் ஆய்வாளர் (கொத்வால்) தேவேந்திர சிங் ராவத் தெரிவித்துள்ளார். கைது செய்யப்பட்டவர் மீது உரிய சட்டப் பிரிவுகளின் கீழ் வழக்குப் பதிவு செய்யப்பட்டுள்ளது. காவல்துறையினர் தேவையான அனைத்துச் சட்ட நடைமுறைகளையும் முடித்த பிறகு, அவரை நீதிமன்றத்தில் ஆஜர்படுத்த நடவடிக்கைகளை மேற்கொண்டு வருகின்றனர்.