CRIME
அதிர்ச்சி..! பெண்கள் விடுதியில் திடீர் தீ விபத்து.. சாம்பலான மாணவிகளின் உடமைகள்.. நிர்வாகத்தின் அலட்சியத்தால் கொந்தளிப்பு..!!
தெலுங்கானா நாராயண்பேட்டை மருத்துவக் கல்லூரியின் பெண்கள் விடுதியில் ஏற்பட்ட மின்கசிவு காரணமாகத் திடீரெனப் பயங்கரத் தீ விபத்து ஏற்பட்டுள்ள சம்பவம் பெரும் பரபரப்பை ஏற்படுத்தியுள்ளது. கல்லூரி நிர்வாகத்தால் தனியார் வாடகைக் கட்டிடத்தில் நடத்தப்பட்டு வரும் இந்த விடுதியில், எதிர்பாராதவிதமாக ஏற்பட்ட தீ விபத்தால் மாணவிகளின் உடமைகள் அனைத்தும் தீயில் எரிந்து முற்றிலுமாக நாசமாகின. மேலும், கட்டிடம் முழுவதும் கரும்புகை சூழ்ந்ததால் சில மாணவிகளுக்கு மூச்சுத்திணறல் ஏற்பட்டுத் தவித்தனர்; இருப்பினும், அதிர்ஷ்டவசமாக விடுதியிலிருந்த அனைத்து மாணவிகளும் எந்தவித உயிர்ச்சேதமும் இன்றிப் பாதுகாப்பாக மீட்கப்பட்டுள்ளனர்.
இதனிடையே, விடுதியில் தீயணைப்புக் கருவிகள் கூட இல்லை என்று மாணவிகள் குற்றம் சாட்டியுள்ள நிலையில், தனியார் கட்டிடத்தில் செயல்படும் இந்த விடுதியின் பாதுகாப்புத் தரநிலைகள் மற்றும் அடிப்படை வசதிகள் குறித்துப் பெற்றோர்கள் மற்றும் மாணவிகளிடையே பெரும் அச்சமும் கேள்வியும் எழுந்துள்ளது. மாணவிகளின் பாதுகாப்பை உறுதி செய்ய வேண்டிய கல்லூரி நிர்வாகம், அடிப்படைத் தீயணைப்பு உபகரணங்களைக் கூட நிறுவாமல் அலட்சியமாகச் செயல்பட்டது கடும் அதிருப்தியை ஏற்படுத்தியுள்ளது
