நாட்டையே உலுக்கிய புளூ டிரம் கொலை வழக்கு.. “நேரடிச் சாட்சிகள் இல்லை” போலீஸ் ஆதாரங்களில் குளறுபடி..? உயர் நீதிமன்றத்தில் குற்றவாளிகள் பரபரப்பு வாதம்..!!

மீரட்டின் கொடூரமான ‘புளூ டிரம் கொலை வழக்கில்’ தூக்குத் தண்டனை விதிக்கப்பட்ட குற்றவாளிகளான முஸ்கான் ரஸ்தோகி மற்றும் சாஹில் சுக்லா ஆகியோரின் மேல்முறையீட்டு மனுவை அலகாபாத் உயர் நீதிமன்றம் விசாரணைக்கு ஏற்றுக்கொண்டுள்ளது. கீழ் நீதிமன்றத்தின் தீர்ப்பை எதிர்த்து தாக்கல் செய்யப்பட்ட இந்த மனுவை ஏற்றுக்கொண்ட நீதிமன்றம், இது குறித்து பதிலளிக்குமாறு உத்தரப் பிரதேச அரசுக்கு உத்தரவிட்டுள்ளதுடன், அடுத்த விசாரணையை நவம்பர் 30ஆம் தேதிக்கு ஒத்திவைத்துள்ளது.

முன்னதாக, தனது காதலன் சாஹிலுடன் சேர்ந்து கணவன் சௌரவை மயக்க மருந்து கொடுத்துக் கொன்று, உடலைத் துண்டு துண்டாக வெட்டி நீல நிற பிளாஸ்டிக் டிரம்மில் சிமெண்ட் ஊற்றி மறைத்ததாக முஸ்கான் மீது குற்றம் சாட்டப்பட்டது. இந்த வழக்கில் மீரட் மாவட்ட நீதிமன்றம் கடந்த அக்டோபர் 14, 2026 அன்று இருவருக்கும் மரண தண்டனை விதித்து தீர்ப்பளித்திருந்தது.

தற்போது உயர் நீதிமன்றத்தில் குற்றவாளிகள் தரப்பில் ஆஜரான வழக்கறிஞர், இந்த வழக்கு முற்றிலும் மறைமுக/சூழ்நிலை ஆதாரங்களை மட்டுமே அடிப்படையாகக் கொண்டது என்றும், இதற்கு நேரடிச் சாட்சிகள் யாரும் இல்லை என்றும் வாதிட்டுள்ளார். மேலும், கொலைக்கு பயன்படுத்திய கத்தி மற்றும் சிமெண்ட் வாங்கியதற்கான முறையான ரசீதுகளோ அல்லது சிசிடிவி காட்சிகளோ போலீசாரால் சமர்ப்பிக்கப்படவில்லை என்பதால் கீழ் நீதிமன்றத்தின் தீர்ப்பை ரத்து செய்ய வேண்டும் என அவர்கள் கோரிக்கை விடுத்துள்ளனர்