BREAKING: “இங்கே நிலைமை சரியில்ல” முதலமைச்சர் விஜய் கர்நாடகா வரவேண்டாம் -டி.கே.சிவக்குமார் வேண்டுகோள்..!!

காவிரி நதிநீர் விவகாரம் தொடர்பாகத் தமிழகம் மற்றும் கர்நாடகா இடையே பதற்றம் அதிகரித்துள்ள சூழலில், தமிழக முதலமைச்சர் விஜய் தற்போதைக்குக் கர்நாடகா வர வேண்டாம் என்று அம்மாநில முதலமைச்சர் டி.கே.சிவக்குமார் வேண்டுகோள் விடுத்துள்ளார். தமிழ்நாட்டுக்கு அடுத்த 15 நாட்களுக்குத் தினமும் 3,500 கன அடி வீதம் தண்ணீரைத் திறந்துவிடுமாறு காவிரி நீர் மேலாண்மை ஆணையம் உத்தரவிட்டுள்ளது. இந்த உத்தரவுக்கு எதிர்ப்புத் தெரிவித்துக் கர்நாடகாவில் கன்னட அமைப்புகள் போராட்டங்களை அறிவித்துள்ளதால் அங்கு அசாதாரணமானச் சூழல் நிலவி வருகிறது.

முன்னதாக, காவிரி மற்றும் மேகதாது அணைப் பிரச்சினைகள் குறித்து இரு மாநிலங்களும் சுமுகமாகப் பேசித் தீர்வு காண்பதற்காக, வருகிற ஆகஸ்ட் 3-ஆம் தேதி பெங்களூருவில் இரு மாநில முதலமைச்சர்களும் நேரில் சந்தித்துப் பேச்சுவார்த்தை நடத்தத் திட்டமிடப்பட்டிருந்தது. ஆனால், தற்போதையச் சூழலில் முதலமைச்சர் விஜய் அங்கு வருகை தந்தால் தேவையில்லாத சட்டம்-ஒழுங்குப் பிரச்சினைகள் ஏற்படக்கூடும் என்பதால், இரு மாநிலங்களின் நலனைக் கருதி இந்த அரசுமுறைப் பயணத்தைத் தற்காலிகமாகத் தள்ளி வைக்குமாறு டி.கே.சிவக்குமார் கேட்டுக்கொண்டுள்ளார். இரு மாநிலங்களுக்கும் சாதகமான சுமுகமானச் சூழல் திரும்பும்போது இந்தச் சந்திப்பு வேறொரு நாளில் நடைபெறும் என்றும் அவர் தெளிவுபடுத்தியுள்ளார்.