இது என்ன கொடுமை.. திருமணமான 12 மணி நேரத்தில் புதுமாப்பிள்ளை எடுத்த விபரீத முடிவு.. கதறி துடிக்கும் மணமகள்.. உலுக்கும் பின்னணி..!!

உத்தரப் பிரதேச மாநிலம் மீரட்டின் கார்கோடா காவல் நிலைய எல்லைக்குட்பட்ட உல்தான் கிராமத்தில், திருமணம் முடிந்த வெறும் 12 மணி நேரத்திற்குள் புது மாப்பிள்ளை மர்மமான முறையில் தூக்கில் தொங்கி தற்கொலை செய்துகொண்ட சோகச் சம்பவம் பெரும் அதிர்ச்சியை ஏற்படுத்தியுள்ளது. அக்கிராமத்தைச் சேர்ந்த நவாபின் 27 வயது மகன் யூனுஸுக்கும், பாவ்லி கிராமத்தைச் சேர்ந்த அஞ்சும் என்ற பெண்ணுக்கும் செவ்வாய்க்கிழமை திருமணம் நடைபெற்றது. திருமண ஊர்வலம் முடிந்து இரவு 10 மணியளவில் வீடு திரும்பிய மணமக்களுக்குக் குடும்பத்தினர் உற்சாக வரவேற்பு அளித்தனர். யூனுஸும் தனது திருமண மகிழ்ச்சியை வெளிப்படுத்தும் வகையில் நள்ளிரவு வரை உறவினர்களுடன் சேர்ந்து நடனமாடிக் கொண்டாடியுள்ளார்.

இதனைத் தொடர்ந்து புதன்கிழமை அதிகாலை, யூனுஸ் வழக்கம் போல ஃபஜ்ர் தொழுகைக்காக கிராமத்தில் உள்ள பெரிய மசூதிக்குச் சென்றுள்ளார். தொழுகையை முடித்துவிட்டு வீட்டிற்குத் திரும்பிய சிறிது நேரத்திலேயே, அவர் யாரிடமும் சொல்லாமல் திடீரென வெளியில் சென்றுள்ளார். அவர் புறப்பட்டுச் சென்ற ஒரு மணி நேரத்திற்குப் பிறகு, கிராமத்திற்கு அருகிலுள்ள தேஜ்வீர் என்பவரின் மாந்தோட்டத்தில் உள்ள ஒரு மரத்தில் யூனுஸ் பிணமாகத் தொங்குவதைக் கண்டு கிராம மக்கள் அதிர்ச்சியடைந்தனர். வெறும் 12 மணி நேரத்திற்கு முன்பு வரை மங்கள வாத்தியங்கள் முழங்கி, மகிழ்ச்சியில் திளைத்திருந்த அந்த வீடு, கண் இமைக்கும் நேரத்தில் மரண ஓலத்துடன் துக்கமயமாக மாறியது.

இச்சம்பவம் குறித்துத் தகவலறிந்து கார்கோடா காவல் நிலையப் பொறுப்பாளர் சமே பால் அத்ரி தலைமையிலான போலீஸாரும், தடயவியல் நிபுணர்களும் சம்பவ இடத்திற்கு விரைந்து வந்து ஆதாரங்களைச் சேகரித்தனர். போலீஸார் உடலைக் கைப்பற்றி பிரேதப் பரிசோதனைக்கு அனுப்ப முயன்றபோது, யூனுஸின் குடும்பத்தினரும் கிராம மக்களும் அதற்குச் சம்மதிக்காமல் கடும் எதிர்ப்பு தெரிவித்தனர். மேலும், இச்சம்பவத்தில் தங்களுக்கு எவ்வித சந்தேகமும் இல்லாததால் சட்டப்பூர்வ நடவடிக்கைகள் எதுவும் தேவையில்லை எனக் கூறி உடலைத் தங்களிடமே ஒப்படைக்குமாறு கோரினர். போலீஸார் நடத்திய சமரசப் பேச்சுவார்த்தைக்குப் பிறகு உடல் குடும்பத்தாரிடம் ஒப்படைக்கப்பட்டு நல்லடக்கம் செய்யப்பட்டது. திருமணமான சில மணி நேரங்களிலேயே அந்த இளைஞர் ஏன் இந்த விபரீத முடிவை எடுத்தார் என்பதற்கான காரணம் இன்னும் மர்மமாகவே உள்ளது.