“ஐயோ வலிக்குது காப்பாத்துங்க” பேருந்தில் மாரடைப்பால் துடித்த பெண்… ஒரு நொடி கூட யோசிக்காமல் நேராக மருத்துவமனைக்கு பாய்ந்த அரசுப் பேருந்து – ஓட்டுநரின் மாஸ் ஆக்ஷன்.. குவியும் பாராட்டுக்கள்..!!

கர்நாடக மாநிலத்தில் அரசுப் பேருந்தில் பயணம் செய்த பெண் ஒருவருக்கு திடீரென மாரடைப்பு ஏற்பட்ட நிலையில், ஓட்டுநரின் சமயோசித மற்றும் அதிவேக நடவடிக்கையால் அந்தப் பெண்ணின் உயிர் காப்பாற்றப்பட்டுள்ளது. துமகூருவிலிருந்து மதுகிரி நோக்கிச் சென்று கொண்டிருந்த அந்தப் பேருந்தில், பயணித்த பெண் ஒருவர் திடீரென நெஞ்சு வலிப்பதாகக் கூறி மயங்கி விழுந்தார். இதைக் கண்டு பேருந்தில் இருந்த சக பயணிகள் அதிர்ச்சியடைந்து செய்வதறியாது திகைத்தனர்.

இதனை உடனடியாக கவனித்த பேருந்து ஓட்டுநர், ஒரு நொடி கூட தாமதிக்காமல் துணிச்சலான முடிவை எடுத்தார். பேருந்தை வழக்கமான வழித்தடத்தில் இயக்குவதை நிறுத்திவிட்டு, பயணிகளின் அனுமதியோடு அருகில் இருந்த அரசு மருத்துவமனையை நோக்கி நேராகவும் அதிவேகமாகவும் செலுத்தினார். சாலையின் போக்குவரத்து நெரிசல்களுக்கு மத்தியிலும், மற்ற பயணிகளின் பாதுகாப்பை உறுதி செய்தவாறே பேருந்தை அவர் மருத்துவமனைக்குக் கொண்டு சேர்த்தார்.

https://twitter.com/greatandhranews/status/2084875043998413231/video/1

பேருந்து மருத்துவமனை வளாகத்திற்குள் நுழைந்ததும், அங்கு தயாராக இருந்த மருத்துவர்கள் அந்தப் பெண்ணிற்கு அவசரச் சிகிச்சை பிரிவில் அனுமதித்து உடனடி சிகிச்சையளித்தனர். சரியான நேரத்தில் மருத்துவமனைக்குக் கொண்டு வரப்பட்டதால், அந்தப் பெண் மரணத்தின் விளிம்பிலிருந்து அதிர்ஷ்டவசமாக உயிர் தப்பினார். ஆபத்தான சூழலில் பதற்றமடையாமல் செயல்பட்டு, ஒரு பெண்ணின் உயிரைக் காப்பாற்றிய அந்தப் பேருந்து ஓட்டுநரின் மனிதநேயமிக்க செயலை சக பயணிகளும், பொதுமக்களும் சமூக வலைத்தளங்களில் வெகுவாகப் பாராட்டி வருகின்றனர்.