இரட்டைக் கொலை வழக்கில் அதிரடித் தீர்ப்பு.. 6 ஆண்டுகளுக்கு பிறகு 10 பேருக்கு வரலாற்று சிறப்புமிக்க தீர்ப்பு.. நீதிமன்றத்தை கண்ணீரில் நனைத்த தாய்.. நெட்டிசன்களை உருக வைத்த சம்பவம்..!!

“என் மகன் கோவிலில் வைத்துப் படுகொலை செய்யப்பட்டான்; அப்போது நாங்கள் வீட்டில் இருந்தோம். 6 ஆண்டுகளுக்குப் பிறகு தற்போது கிடைத்துள்ள இந்தத் தீர்ப்பு எங்களுக்கு மிகுந்த மனநிறைவை அளிக்கிறது” என்று கொல்லப்பட்ட வழக்கறிஞர் மஞ்சுல் சௌபேவின் தாயார் சர்லா சௌபே கண்ணீர் மல்கத் தெரிவித்துள்ளார். இந்த நீண்ட சட்டப் போராட்டத்தில் பல இன்னல்களைச் சந்தித்ததாகக் குறிப்பிட்ட அவர், ஒரு மகனைப் பறிகொடுத்துவிட்டு, மற்றொரு மகன் நீதிமன்றப் படிகளையே கதியாகக் கொண்டு அலைந்ததாகக் கூறினார். மேலும், வழக்கை முடிவுக்குக் கொண்டுவர 7 கோடி முதல் 8 கோடி ரூபாய் வரை தருவதாகப் பல்வேறு தரப்பிலிருந்து தங்களுக்குக் கடுமையான பண அழுத்தங்கள் கொடுக்கப்பட்டதாகவும், ஆனால் பெற்ற பிள்ளைகளின் உயிரை விட எந்தவொரு சமரசமும் பெரியதல்ல என்பதில் தாங்கள் உறுதியாக இருந்ததாகவும் அவர் உருக்கமாகக் கூறினார்.

‘मंदिर में मेरे बेटे को मार दिया गया था। हम लोग घर पर थे। 6 साल बाद जो फैसला आया, उससे हम बहुत संतुष्ट हैं। हमारे सामने बहुत कठिनाइयां आईं। एक बेटे की हत्या हो गई, दूसरा बेटा कोर्ट के चक्कर लगाता रहा। हम लोगों पर समझौते का दबाव बनाया गया। कोई कहता 7 करोड़ देंगे, कोई कहता 8 करोड़… pic.twitter.com/bVtzpwUyYk— Rajesh Sahu (@askrajeshsahu) August 20, 2026

உத்தரப் பிரதேசத்தின் அவுரையா பகுதியில் நடந்த வழக்கறிஞர் மஞ்சுல் சௌபே மற்றும் அவரது ஆசிரியையான சகோதரி சுதா சௌபே ஆகியோரின் இரட்டைக் கொலை வழக்கில், சிறப்பு நீதிமன்றம் வரலாற்றுச் சிறப்புமிக்கத் தீர்ப்பை வழங்கியுள்ளது. சமாஜ்வாடி கட்சியின் முன்னாள் எம்.எல்.சி-யான கம்லேஷ் பதக், அவரது இரு சகோதரர்கள் உட்பட மொத்தம் 10 பேருக்கு நீதிமன்றம் ஆயுள் தண்டனை விதித்து உத்தரவிட்டுள்ளது. பஞ்சமுகி கோயில் நிர்வாகக் கட்டுப்பாடு மற்றும் நில விவகாரம் தொடர்பான தகராறில் கடந்த 2020-ஆம் ஆண்டு இந்தத் துப்பாக்கிச் சூடு படுகொலை அரங்கேறியது. இந்த கொடூரக் குற்றத்திற்காகத் தற்போது குற்றவாளிகள் அனைவருக்கும் தலா ₹50,000 அபராதமும் விதிக்கப்பட்டு, அதிகார பலமிக்கவர்களுக்கு எதிரான இந்தச் சட்டப் போராட்டத்தில் பாதிக்கப்பட்ட குடும்பத்திற்கு இறுதியாக நீதி கிடைத்துள்ளது.