குடிமகன்களுக்கு ஷாக் நியூஸ்..! நவம்பர் 1 முதல் மதுபாட்டில்கள் விலை அதிரடி உயர்வு – டாஸ்மாக் போட்ட புது கண்டிஷன்..!!

தமிழகத்தில் டாஸ்மாக் மதுபானங்களின் விலை நவம்பர் 1-ஆம் தேதி முதல் பாட்டிலுக்கு 10 ரூபாய் உயர்த்தப்பட உள்ளது. மதுபாட்டில்களுக்கு சுற்றுச்சூழல் மற்றும் சமூக நலக் கட்டணமாக இந்த 10 ரூபாய் விதிக்கப்படுவதாகத் தெரிவிக்கப்பட்டுள்ளது. இதன் காரணமாக, தமிழகம் முழுவதும் உள்ள அனைத்து டாஸ்மாக் கடைகளிலும் விற்கப்படும் அனைத்து வகையான மதுபானங்களின் அதிகபட்ச சில்லறை விற்பனை விலையும் வரும் ஞாயிற்றுக்கிழமை முதல் 10 ரூபாய் அதிகரிக்க உள்ளது.

இந்த விலை உயர்வு அமலுக்கு வரும் நிலையில், டாஸ்மாக் நிர்வாகம் தனது கடைப் பணியாளர்களுக்குக் கடுமையான உத்தரவு ஒன்றைப் பிறப்பித்துள்ளது. மதுபானங்களை வாங்குபவர்களிடம் நிர்ணயிக்கப்பட்ட புதிய எம்ஆர்பி (MRP) விலையைத் தவிர, கூடுதலாக எந்தவொரு தொகையையும் வசூலிக்கக் கூடாது என்று உத்தரவிடப்பட்டுள்ளது. கடைகளில் கூடுதல் கட்டணம் வசூலிப்பதைத் தடுக்கவும், நுகர்வோரின் வெளிப்படைத்தன்மையை உறுதிப்படுத்தவும் டாஸ்மாக் நிர்வாகம் தீவிரக் கண்காணிப்புப் பணிகளை மேற்கொண்டு வருகிறது.

மேலும், இந்த புதிய சுற்றுச்சூழல் மற்றும் சமூக நலக் கட்டணம் வசூலிக்கப்படுவது தொடர்பான அதிகாரப்பூர்வ அறிவிப்பை, பொதுமக்கள் தெளிவாகத் தெரிந்துகொள்ளும் வகையில் அனைத்து டாஸ்மாக் கடைகளின் முன்பும் கட்டாயமாக அறிவிப்புப் பலகையாக (Notice Board) வைக்க வேண்டும் என்றும் உத்தரவிடப்பட்டுள்ளது. இந்த அறிவிப்புப் பலகையின் மூலம், 10 ரூபாய் உயர்த்தப்பட்டதற்கான காரணத்தை நுகர்வோர் எளிதாக அறிந்துகொள்ள முடியும் என டாஸ்மாக் நிர்வாகம் தெரிவித்துள்ளது.