எனக்கு நெஞ்சுவலியே வந்துடுச்சி.. கரூர் சம்பவத்தோடு விஜய் கதை முடிந்ததுன்னு நினைச்சேன்.. ஆனா 1 மணி நேரத்துல 1 கோடி லைக்ஸ்… ஆர்.பி.உதயகுமார் அதிர்ச்சி வாக்குமூலம்..!!

தமிழக வெற்றிக் கழகத்தின் தற்போதைய அரசியல் எழுச்சியைக் கண்டு அதிமுக முன்னாள் அமைச்சர் ஆர்.பி.உதயகுமார் தனது ஒட்டுமொத்த அரசியல் ஆதங்கத்தையும் புலம்பலாகக் கொட்டித் தீர்த்துள்ளார். தேர்தல் முடிவுகள் குறித்துப் பேசிய அவர், “நமக்கு மக்கள் மத்தியில் செல்வாக்கு கொடி கட்டிப் பறக்கிறது, எப்படியும் நாம் தான் தேர்தலில் வெற்றி பெறப் போகிறோம் என்று நம்பிக்கையோடு காத்துக் கொண்டிருந்தால், தேர்தல் முடிவு வரும் நாளன்று தவெக-வின் சின்னமான ‘விசில்’ சத்தம் மட்டுமே எங்கும் ஒலிக்கிறது; நமக்கு எல்லா இடங்களிலும் பெரும் ஆப்பு தான் கிடைக்கிறது” என்று மிகவும் விரக்தியுடன் தெரிவித்துள்ளார்.

கரூரில் தவெக நிர்வாகி ஒருவரால் ஏற்பட்ட அண்மைக்கால சர்ச்சைக்குரிய சம்பவத்தைப் பார்த்ததும், இனி முதலமைச்சர் விஜய்யின் அரசியல் கதை முடிந்துவிட்டது என்று தாம் நினைத்ததாக ஆர்.பி.உதயகுமார் குறிப்பிட்டுள்ளார். ஆனால், அதற்கு நேர்மாறாக விஜய் தனது சமூக வலைத்தளப் பக்கத்தில் ஒரு புதிய ரீல்ஸ் வீடியோவை வெளியிட்டதாகக் கூறிய அவர், அந்த வீடியோ வெளியான ஒரே ஒரு மணி நேரத்திற்குள் 1 கோடிக்கும் அதிகமான லைக்குகளைப் பெற்று சாதனை படைத்ததைக் கண்டு, அதிர்ச்சியில் தனக்கு நெஞ்சுவலியே வந்துவிட்டது எனத் தனது ஆதங்கத்தைப் பகிர்ந்துள்ளார்.

தவெக-விற்கு மக்கள் மற்றும் இளைஞர்கள் மத்தியில் இருக்கும் இந்த அசுரத்தனமான டிஜிட்டல் செல்வாக்கிற்கு முன்னால் தங்களால் ஈடுகொடுக்க முடியவில்லையே என்ற திகைப்பை அவரது பேச்சு வெளிப்படுத்தியுள்ளது. “இப்படி ஒரு மணி நேரத்தில் கோடிக்கணக்கான மக்கள் திரளும் ஒரு மாபெரும் சக்தியை எதிர்க்க, நாங்களெல்லாம் இனிமேல் என்னதான் செய்வது?” என்று ஒட்டுமொத்தமாகத் தங்களின் அரசியல் வியூகங்கள் தோற்றுப்போவது குறித்து ஆர்.பி.உதயகுமார் மிகவும் வேதனையுடன் புலம்பியுள்ளது தற்போது அரசியல் வட்டாரத்தில் பெரும் விவாதத்தை ஏற்படுத்தியுள்ளது.