24 வருட கரியர்… 300 கோடி வசூல் வேட்டை…விஜய் வதந்திகளுக்கு மத்தியில் செம கூல் திரிஷா…ஒருவழியாக சஸ்பென்ஸை உடைத்த திரிஷா! இன்று வெளியிட்ட அந்த ‘முக்கிய அறிவிப்பு’… ஆச்சரியத்தில் ரசிகர்கள்…!

தமிழ் திரையுலகில் கடந்த 24 ஆண்டுகளுக்கும் மேலாக முன்னணித் தூணாக நிலைத்து நின்று, எத்தனையோ இளம் நடிகைகளின் வரவுக்கு மத்தியிலும் தனது அசைக்க முடியாத இடத்தை தக்கவைத்துக் கொண்டுள்ளார் ‘எவர்கிரீன்’ நடிகை திரிஷா. கடந்த ஆண்டில் அடுத்தடுத்து முன்னணி ஹீரோக்களுடன் ஜோடி சேர்ந்து ஹாட்ரிக் வெற்றிகளைப் பதிவு செய்த அவர், இந்த ஆண்டில் சூர்யாவுடன் இணைந்து நடித்த ‘கருப்பு’ திரைப்படம் மூலம் வசூல் வேட்டை நடத்தியுள்ளார். ஆர்.ஜே. பாலாஜி இயக்கத்தில் வெளியான இத்திரைப்படம் பாக்ஸ் ஆபீஸில் 300 கோடி ரூபாய்க்கும் மேல் வசூலித்து மெகா பிளாக்பஸ்டர் ஆகி சாதனை படைத்துள்ளது. இதனைத் தொடர்ந்து, திரிஷாவின் நடிப்பில் அடுத்ததாக மெகா பட்ஜெட்டில் உருவாகியுள்ள ‘விஸ்வம்பரா’ திரைப்படம் மிக விரைவில் வெளியாகத் தயாராகி வருகிறது.

திரையுலகில் ஒருபுறம் வெற்றிகரமாக வலம் வந்தாலும், திரிஷாவின் தனிப்பட்ட வாழ்க்கை தொடர்ந்து பல்வேறு கிசுகிசுக்களிலும் சர்ச்சைகளிலும் சிக்கி லைம்லைட்டிலேயே இருந்து வருகிறது. குறிப்பாக, நடிகர் விஜய்யின் குடும்பப் பிரச்சனைக்கு இவர்தான் காரணம் என்பது போன்ற பல்வேறு வதந்திகள் சமூக வலைத்தளங்களில் பரவி வருகின்றன. விஜய்யுடன் இணைந்து பொது நிகழ்ச்சிகளில் கலந்துகொண்டது, அஜித்தின் தாயார் மறைவுக்கு ஒன்றாகச் சென்றது என திரிஷா செய்யும் செயல்கள் இந்த வதந்திகளுக்கு மேலும் வலு சேர்ப்பதாக நெட்டிசன்கள் பேசினாலும், திரிஷா இதையெல்லாம் சற்றும் கண்டுகொள்ளாமல் செம கூலாகத் தனது கரியரில் மட்டும் கவனம் செலுத்தி ரசிகர்களை வியக்க வைத்து வருகிறார்.

சூழல் இப்படி இருக்க, இன்று தனது இன்ஸ்டாகிராம் பக்கத்தில் மிக முக்கியமான அறிவிப்பு ஒன்றை வெளியிடப் போவதாக திரிஷா தெரிவித்திருந்தார். இதனால் அவர் ஒருவேளை அரசியலுக்கு வரப்போகிறாரா அல்லது தனது திருமணம் குறித்த அறிவிப்பா என ஒட்டுமொத்த தமிழ்நாடும் ஆவலோடு எதிர்பார்த்துக் காத்திருந்தது. ஆனால், அந்த சஸ்பென்ஸை உடைத்த திரிஷா, விளையாட்டுத் துறை சார்ந்த ஒரு மகிழ்ச்சியான செய்தியைப் பகிர்ந்துள்ளார். தமிழ்நாடு பிக்கிள் பால் பிரீமியர் லீக் (Pickleball Premier League) சீசன் 2-வில் களமிறங்கும் தனது நெருங்கிய தோழி வரலட்சுமியின் கனவு அணியான ‘சென்னை தமிழ் டைட்டன்ஸ்’ (Chennai Tamil Titans) என்ற பெயரையும் லோகோவையும் வெளியிட்டு, தனது ஒட்டுமொத்த குழுவிற்கும் மனமார்ந்த வாழ்த்துகளைத் தெரிவித்துள்ளார்.