விஜய்க்கு போன ரகசிய ரிப்போர்ட்!.. செந்தில் பாலாஜிக்கு முன்ஜாமீன் கிடைத்தது எப்படி?.. பின்னணியில் நடந்த ட்விஸ்ட்.. அதிரும் அரசியல் களம்..!!

தமிழக வெற்றிக் கழகத் தலைவரும் தற்போதைய முதல்வருமான விஜய்க்கு, செந்தில் பாலாஜிக்கு முன்ஜாமீன் கிடைத்தது குறித்த ரகசிய அறிக்கை ஒன்று பெரும் அதிர்ச்சியை ஏற்படுத்தியுள்ளதாகத் தனியார் இதழ் ஒன்றில் செய்தி வெளியாகியுள்ளது. அந்த அறிக்கையின்படி, செந்தில் பாலாஜிக்கு மிகவும் நெருக்கமானவர் என்பதால் இந்த வழக்கில் அரசுத் தரப்பில் வலுவாக வாதாட வேண்டிய முக்கிய வழக்கறிஞர், தான் நேரடியாகக் களம் இறங்காமல் தனது ஜூனியர் வழக்கறிஞரை வாதாடச் சொன்னதாகக் கூறப்படுகிறது. இந்தச் சாதகமான சூழலும், மெத்தனப் போக்குமே செந்தில் பாலாஜிக்கு எளிதாக முன்ஜாமீன் கிடைக்க மிக முக்கியக் காரணமாக அமைந்ததாக அந்த இதழில் சுட்டிக்காட்டப்பட்டுள்ளது.

அதேநேரத்தில், தமிழக அரசு வழக்கறிஞர்கள் நியமனத்தில் தகுதியை மீறி சிபாரிசுகள் தலைவிரித்து ஆடியதும், இந்த விவகாரத்தைக் கையாளுவதற்கு ஒரு நிலையான மற்றும் அனுபவம் வாய்ந்த வழக்கறிஞர் இல்லாததும் மற்றொரு முக்கியக் காரணமாகக் கூறப்படுகிறது. அரசுத் தரப்பு வழக்கறிஞர்களின் இத்தகைய குளறுபடிகள் மற்றும் ஒருங்கிணைப்பின்மை காரணமாகவே இந்த வழக்கில் அரசுக்கு பின்னடைவு ஏற்பட்டுள்ளதாகவும், இது முதல்வர் விஜய்யின் கவனத்திற்குச் சென்று அவரிடம் கடுமையான அதிருப்தியை ஏற்படுத்தியுள்ளதாகவும் அரசியல் வட்டாரங்கள் தெரிவிக்கின்றன.