இவர்களெல்லாம் மனுஷன்களா?.. ரத்த வெள்ளத்தில் மிதந்த பெற்றோர்.. ராட்சச மகன்களின் வெறிச்செயல்.. நெஞ்சை பதறவைக்கும் பின்னணி..!!

உத்தரப் பிரதேசத்தின் காசியாபாத் மாவட்டம் கிராசிங்ஸ் ரிபப்ளிக் பகுதிக்கு உட்பட்ட வீர் நகரில், பெற்ற பெற்றோரையே இரண்டு மகன்கள் கொடூரமாகத் தாக்கிப் படுகொலை செய்த வெட்கக்கேடான சம்பவம் பெரும் பரபரப்பை ஏற்படுத்தியுள்ளது. நள்ளிரவில் கங்காசரன், அவரது மனைவி விம்லேஷ் மற்றும் அவர்களது மகன்களான தீபக், லலித் இடையே வீட்டில் பயங்கர வாக்குவாதம் ஏற்பட்டுள்ளது. கூச்சலைக் கேட்ட வாடகைதாரர் ஒருவர் உடனடியாக அவசர உதவி எண் 112-க்கு அழைத்துத் தகவல் கொடுத்துள்ளார். சம்பவ இடத்திற்கு விரைந்த காவல்துறையினர், படுகாயமடைந்த தம்பதியைக் கைப்பற்றி மருத்துவமனைக்கு அனுப்பி வைத்தனர். இருப்பினும், அவர்களைப் பரிசோதித்த மருத்துவர்கள் அவர்கள் ஏற்கனவே இறந்துவிட்டதாக அறிவித்தனர்.

குடும்பத் தகராறு காரணமாகவே இந்த இரட்டைக் கொலை நடந்துள்ளதாக முதற்கட்ட விசாரணையில் தெரியவந்துள்ள நிலையில், கொலையின் பின்னணியில் உள்ள சரியான காரணத்தைக் கண்டறியத் தடயவியல் குழுவின் உதவியுடன் ஆதாரங்கள் சேகரிக்கப்பட்டு வருகின்றன. வாடகைதாரரின் புகாரின் பேரில் வழக்குப் பதிவு செய்த காவல்துறையினர், தலைமறைவாகாமல் இருந்த மகன்கள் தீபக் மற்றும் லலித் ஆகிய இருவரையும் கைது செய்து தீவிர விசாரணை மேற்கொண்டு வருகின்றனர். பிரேதப் பரிசோதனை அறிக்கை மற்றும் தொடர் விசாரணையின் அடிப்படையில் அடுத்தகட்ட சட்ட நடவடிக்கைகள் எடுக்கப்படும் எனப் காவல்துறை அதிகாரிகள் தெரிவித்துள்ளனர்.