“காசு தராட்டி கொன்றுவிடுவேன்..!” 70 வயது சொந்தத் தாயைக்கு நேர்ந்த கொடூரம்.. 45 வயது குடிகார மகன் செய்த வெறிச்செயல்.. நெஞ்சைப் பிழியும் பின்னணி..!!

உத்தரப் பிரதேச மாநிலம் ஔரையா மாவட்டத்தில், மது குடிக்கப் பணம் தராத ஆத்திரத்தில் 70 வயது சொந்தத் தாயை அடித்துக் கொலை செய்த 45 வயது மகனைப் போலீசார் கைது செய்துள்ளனர். ஔரையா சதர் கோட்வாலி பகுதிக்குட்பட்ட மல்காபூர் கிராமத்தைச் சேர்ந்த மறைந்த ராம் ஆசரேயின் மனைவி ஸ்ரீமதி தேவி, தனது இளைய மகன் வீர் சிங்கின் வீட்டில் தனியாக வசித்து வந்தார். கடந்த செப்டம்பர் 26 அன்று அவர் வீட்டில் சடலமாகக் கிடந்ததை அடுத்து, தடயவியல் குழுவினர் ஆதாரங்களைச் சேகரித்து உடலைப் பிரேதப் பரிசோதனைக்கு அனுப்பினர்.

இறந்த மூதாட்டியின் இளைய மகன் அளித்த புகாரின் பேரில், அவரது மூத்த சகோதரரான பல்வான் மற்றும் அடையாளம் தெரியாத ஒரு நபர் மீது கொலை வழக்குப் பதிவு செய்து போலீசார் தேடி வந்தனர். நேற்று வாகனச் சோதனையின் போது கிடைத்த ரகசியத் தகவலின் அடிப்படையில், சிருஹூலி பாலத்தின் கீழ் முற்றுகையிட்ட காவல் ஆய்வாளர் ஜிதேந்திர குமார் திவாரி தலைமையிலான போலீசார், தலைமறைவாக இருந்த மூத்த மகன் பல்வானைக் கைது செய்தனர்.

காவல்துறை விசாரணையில், பல்வான் கடுமையான குடிப்பழக்கத்திற்கு அடிமையானவர் என்பதும், குடும்பத்தில் நிலத்தகராறு இருந்து வந்ததும் தெரியவந்தது. ஏற்கனவே தனது நிலப் பங்கை விற்றுவிட்ட பல்வான், சம்பவத்தன்று மதுபோதையில் தாயிடம் பணம் கேட்டுள்ளார். தாய் பணம் தர மறுத்ததால் ஏற்பட்ட வாக்குவாதத்தில் ஆத்திரமடைந்து, அவர் தனது தாயைக் கொடூரமாகத் தாக்கியதில் மூதாட்டி பலத்த காயமடைந்து உயிரிழந்துள்ளார். தற்போது கைது செய்யப்பட்டுள்ள பல்வானின் குற்றப் பின்னணி குறித்து போலீசார் தீவிர விசாரணை நடத்தி வருகின்றனர்.