CRIME
“60 வயது மூதாட்டியின் வாயைப் பொத்தி..” காதல் ஜோடி செய்த பகீர் காரியம்.. கோயிலில் அரங்கேறிய கொடூரம்.. நடுங்க வைக்கும் சம்பவம்..!!
ஆந்திர மாநிலம் ஹைதராபாத்தின் வனஸ்தலிபுரம் பகுதியில் உள்ள ஸ்ரீ ராஜராஜேஸ்வரி கோயிலில், தங்களது திருமணச் செலவிற்குப் பணம் இல்லாததால் 60 வயது மூதாட்டியின் வாயைப் பொத்தி, 3 தோலா தங்கச் சங்கிலியைப் பறித்துச் சென்ற காதல் ஜோடி அதிரடியாகக் கைது செய்யப்பட்டுள்ளது. திருமணத்திற்குத் தேவையான பணப் பற்றாக்குறையால் தவித்து வந்த இந்தக் ஜோடி, குறுக்கு வழியில் பணம் சம்பாதிக்கத் திட்டமிட்டு இந்தக் கோயில் கொள்ளைச் சம்பவத்தில் ஈடுபட்டுள்ளது. கோயிலுக்கு வழிபட வந்த மூதாட்டியை யாருமற்ற வேளையில் குறிவைத்து இந்தத் தாக்குதலை நடத்தியுள்ளனர்.
இச்சம்பவம் குறித்து பாதிக்கப்பட்ட மூதாட்டி அளித்த புகாரின் பேரில் வனஸ்தலிபுரம் காவல்துறையினர் வழக்குப் பதிவு செய்து தீவிர விசாரணை நடத்தினர். சம்பவ இடத்தில் இருந்த சிசிடிவி காட்சிகளை ஆய்வு செய்தும், பிற முக்கிய தடயங்களை வைத்தும் துப்புதுலக்கிய போலீசார், கொள்ளை நடந்த இரண்டு நாட்களிலேயே அந்த இளம் ஜோடியைக் கூண்டோடு கைது செய்தனர். அவர்களிடமிருந்து திருடப்பட்ட தங்கச் சங்கிலி மீட்கப்பட்டதைத் தொடர்ந்து, இருவரும் நீதிமன்றத்தில் ஆஜர்படுத்தப்பட்டு சிறையில் அடைக்கப்பட்டுள்ளனர்.
