“அய்யோ!.. அம்மா..!” கடை அருகே விளையாடிய 3 வயது சிறுவன்.. அடுத்த நொடியில் நடந்த ‘அந்த’ கொடூரம்.. பதறவைக்கும் CCTV விடியோ..!!

மகாராஷ்டிர மாநிலம் நாக்பூரில், வீட்டின் அருகே விளையாடிக் கொண்டிருந்த 3 வயது சிறுவன் ஸ்ரேயாஷ் அஷ்டங்கர் மீது சொகுசு கார் மோதி நசுக்கியதில் அச்சிறுவன் பரிதாபமாக உயிரிழந்த சம்பவம் நாடு முழுவதும் பெரும் பரபரப்பையும் சோகத்தையும் ஏற்படுத்தியுள்ளது. நாக்பூர் நகரில் உள்ள தொழிலாளர்கள் குடியிருப்புப் பகுதியில் தந்தையின் கடைக்கு அருகே விளையாடிக் கொண்டிருந்த சிறுவன், எதிர்பாராதவிதமாக அவ்வழியாக வந்த காரின் சக்கரத்தின் கீழ் சிக்கினான். கண்ணிமைக்கும் நேரத்தில் கார் ஏறி இறங்கியதில் பலத்த காயமடைந்த சிறுவன் சம்பவ இடத்திலேயே துடிதுடித்துப் பலியானான். இந்த கொடூரமான விபத்தின் காட்சிகள் அங்குள்ள சிசிடிவி கேமராவில் பதிவாகி சமூக வலைதளங்களில் வெளியாகி பார்ப்போரின் நெஞ்சை நடுங்க வைத்துள்ளது.

Nagpur – A three-year-old boy, Shreyash Ashtankar, died after being run over by a car in the Manish Nagar area of Nagpur. The incident occurred while Shreyash was playing in front of his father’s shop. A vehicle parked nearby began moving out, leading to the fatal accident. The… pic.twitter.com/8skppbrDjz— NextMinute News (@nextminutenews7) July 27, 2026

விபத்து நடந்தவுடனே சிறுவனின் அலறல் சத்தம் கேட்டு ஓடிவந்த அக்கம் பக்கத்தினரும் குடும்பத்தினரும் சிறுவனை மீட்டு மருத்துவமனைக்குக் கொண்டு சென்றபோதிலும், பலத்த காயம் காரணமாக அவன் ஏற்கனவே உயிரிழந்துவிட்டதாக மருத்துவர்கள் தெரிவித்தனர். இச்சம்பவம் குறித்துத் தகவலறிந்து வந்த காவல்துறையினர், சிறுவனின் உடலைக் கைப்பற்றி பிரேதப் பரிசோதனைக்கு அனுப்பி வைத்தனர். மேலும், சிசிடிவி காட்சிகளை ஆதாரமாகக் கொண்டு விபத்தை ஏற்படுத்திய காரின் ஓட்டுநரைக் காவல்துறையினர் உடனடியாகக் கைது செய்து, ஓட்டுநரின் அலட்சியம் குறித்துத் தீவிர விசாரணை மேற்கொண்டு வருகின்றனர். 3 வயதுச் சிறுவனின் இந்த எதிர்பாராத உயிரிழப்பு அப்பகுதியில் பெரும் சோகத்தை ஏற்படுத்தியுள்ளது.