“என் குழந்தையை என்கிட்ட கொடுங்க..” காவல் நிலையத்தை அதிரவைத்த தந்தையின் கொடூர முடிவு.. காப்பாற்றப் போன ரைட்டருக்கும் நேர்ந்த கதி.. நடுக்கமூட்டும் சம்பவம்..!!

தெலுங்கானா மாநிலம் வரங்கலில் உள்ள ஆஜம் ஜா மில்ஸ் காலனி காவல் நிலையத்தில் எதிர்பாராத அதிர்ச்சி சம்பவம் ஒன்று நிகழ்ந்துள்ளது. காட்லா ஹர்ஷித் என்ற இளைஞர், தன் உடலில் பெட்ரோலை ஊற்றிக்கொண்டு திடீரென காவல் நிலையத்திற்குள் நுழைந்தார். அங்கு பணியில் இருந்த போலீசாரின் கண் முன்பாகவே, அவர் தீ வைத்துக் கொண்டு தற்கொலை முயற்சியில் ஈடுபட்டார். அப்போது எரியும் தீயை அணைக்க முயன்ற காவல் நிலைய எழுத்தாளரானபிரவீன் என்பவருக்கும் காயம் ஏற்பட்டது. இதையடுத்து, படுகாயமடைந்த ஹர்ஷித் மற்றும் எழுத்தாளர் பிரவீன் ஆகிய இருவரும் உடனடியாக மீட்கப்பட்டு, சிகிச்சைக்காக எம்ஜிஎம் அரசு மருத்துவமனைக்கு அவசரமாக கொண்டு செல்லப்பட்டனர்.

விசாரணையில், ஹர்ஷித்துக்கும் அவரது மனைவிக்கும் இடையே கடந்த சில காலமாகவே தீவிரமான குடும்பத் தகராறு இருந்து வந்தது தெரியவந்துள்ளது. தனது குழந்தையைத் தன்னிடம் காட்டாமல் பிரித்து வைத்திருந்ததால் அவர் மிகுந்த மனவேதனையில் இருந்துள்ளார். தனது மனைவி மற்றும் மாமியாரின் தொடர் மன உளைச்சல் மற்றும் தொல்லை காரணமாகவே தான் இந்தத் தீவிர முடிவை எடுத்ததாக ஹர்ஷித் குற்றம் சாட்டியுள்ளார். இச்சம்பவம் குறித்து போலீஸார் தொடர்ந்து விசாரணை நடத்தி வரும் நிலையில், இந்தத் தற்கொலை முயற்சி விவகாரம் தொடர்பான முழுமையான விவரங்கள் இன்னும் முழுமையாகத் தெரியவரவில்லை