“கண்ணில் மிளகாய்ப் பொடி.. கையில் துப்பாக்கி..!” சிறையில் கைதி செய்த ‘அந்த’ பயங்கர காரியம்… சிறைக்காவலருக்கு நேர்ந்த விபரீதம்.. வைரலாகும் பகீர் சிசிடிவி..!!

மத்தியப் பிரதேச மாநிலம் ராய்சென் சிறைச்சாலையில், நீலேஷ் தாக்கூர் என்ற கைதி அங்கு பணியில் இருந்த சிறைக்காவலர் திக்விஜய் சிங் தோமரைத் துப்பாக்கியால் சுட்டும், அவரது கண்ணில் மிளகாய்ப் பொடியைத் தூவியும் தப்பியோட முயன்ற பதைபதைக்க வைக்கும் சிறைச்சாலை சிசிடிவி காட்சிகள் 9 நாட்களுக்குப் பிறகு வெளியாகி இணையத்தில் பெரும் அதிர்ச்சியை ஏற்படுத்தியுள்ளது. சிறைக்காவலரின் கண்ணில் திடீரென மிளகாய்ப் பொடியைத் தூவிய அந்தக் கைதி, மறைத்து வைத்திருந்த துப்பாக்கியால் காவலரை நோக்கிச் சுட்டுவிட்டுச் சிறையிலிருந்து தப்பியோடத் துணிந்துள்ளான்.

ஆனால், துப்பாக்கிக் குண்டு பாய்ந்து பலத்த காயமடைந்த நிலையிலும், தனது அசாத்திய துணிச்சலையும் தைரியத்தையும் கைவிடாத சிறைக்காவலர் திக்விஜய் சிங், அந்த அபாயகரமான கைதியைப் பின் தொடர்ந்து சென்று மடக்கிப் பிடிக்கத் தீவிரமாகப் போராடியுள்ளார்.சிறை வளாகத்திற்குள் கைதி தப்பியோட முயல்வதும், குண்டு பாய்ந்த நிலையிலும் காவலர் காட்டிய அசாத்திய வீரமும் இந்த சிசிடிவி காட்சிகளில் மிகத் தெளிவாகப் பதிவாகியுள்ளது. சிறைக்குள் கைதிக்குத் துப்பாக்கி மற்றும் மிளகாய்ப் பொடி எப்படி கிடைத்தது என்பது குறித்துச் சிறைத்துறை அதிகாரிகள் தற்பொழுது உயர்மட்டத் தீவிர விசாரணைக்கு உத்தரவிட்டுள்ளனர். துப்பாக்கிக் குண்டு காயங்களுடன் தற்பொழுது மருத்துவமனையில் அனுமதிக்கப்பட்டுள்ள வீரமிக்க காவலர் திக்விஜய் சிங்கின் அசாத்திய தைரியத்தைப் பாராட்டி, அவருக்குப் பாராட்டுக்களும் விருதுகளும் வழங்கப்பட வேண்டும் என நெட்டிசன்கள் சமூக வலைத்தளங்களில் கோரிக்கை விடுத்து வருகின்றனர்.