நெஞ்சை உலுக்கும் சோகம்.. 5 நாள் இடைவெளியில் அக்கா, தம்பி அடுத்தடுத்து மரணம்.. கதறி துடிக்கும் பெற்றோர்.. பதறவைக்கும் பின்னணி..!!

அமெரிக்காவின் மிச்சிகன் மாநிலத்தில், மிதிவண்டி ஓட்டிச் சென்றபோது கார் மோதிய விபத்தில் சிக்கிய ஒரே குடும்பத்தைச் சேர்ந்த அக்கா, தம்பி ஆகிய இரு பிள்ளைகளும் அடுத்தடுத்து 5 நாட்கள் இடைவெளியில் பரிதாபமாக உயிரிழந்த துயரச் சம்பவம் ஒட்டுமொத்த உலகையும் கண்ணீரில் ஆழ்த்தியுள்ளது. விபத்து நடந்த அன்றே 12 வயதான கால்வின் ஷெப்பர்ட் என்ற சிறுவன் சம்பவ இடத்திலேயே உயிரிழந்தான். அவனது 13 வயது மூத்த சகோதரி காரலி, தீவிர சிகிச்சைப் பிரிவில் உயிருக்குப் போராடி வந்தாள். அவளது மூளைச் செயல்பாடு மற்றும் உடல்நிலை மீள வேண்டும் என்று அவளது பெற்றோர் கோடி மற்றும் ராகுல் உலக மக்களிடம் விடுத்த கண்ணீர் கோரிக்கையை ஏற்று லட்சக்கணக்கான மக்கள் கூட்டுப் பிரார்த்தனை செய்தனர். இருப்பினும், சிகிச்சை பலனின்றி காரலியும் தனது குடும்பத்தினர் சூழ இன்று அமைதியாகக் கண்மூடினாள்.

ஒரே வாரத்திற்குள் தங்களின் இரண்டு பிள்ளைகளையும் பறிகொடுத்த பெற்றோரின் இந்த அளவிட முடியாத துயரத்தை வார்த்தைகளால் விவரிக்க முடியாது. “கால்வினும் காரலியும் மீண்டும் ஒன்றாக இணைந்து கடவுளின் பாதத்தை அடைந்துவிட்டனர்” என்று கூறி தங்களுக்குள் அவர்கள் ஆறுதல் தேடிக்கொள்கின்றனர். முதலில் சனிக்கிழமை அன்று நடத்தத் திட்டமிடப்பட்டிருந்த கால்வினின் இறுதிச் சடங்கு, தற்போது காரலியின் மறைவைத் தொடர்ந்து தள்ளிவைக்கப்பட்டுள்ளது. தங்களின் இரு செல்லப் பிள்ளைகளுக்கும் தனித்தனி நாட்களில் விடை கொடுக்க விரும்பாத அந்தப் பெற்றோர், வரும் செவ்வாய்க்கிழமை காலை 10 மணிக்கு மிச்சிகனின் ஈஸ்ட் லான்சிங் நகரில் இருவருக்கும் சேர்த்தே ஒரே இறுதிச் சடங்கை நடத்த முடிவு செய்துள்ளனர். இந்த மாபெரும் இழப்பைத் தாங்கும் வலிமையை அந்தப் பெற்றோருக்கு வழங்க இணையத்தில் உலகம் முழுவதிலுமிருந்து மக்கள் தங்களது ஆழ்ந்த இரங்கல்களையும் பிரார்த்தனைகளையும் பகிர்ந்து வருகின்றனர்.