பூச்சாண்டி காட்டும் முதல்வரே..! உங்க கேங்கிற்கு தைரியம் உள்ளதா..? முதல்வரை விமர்சித்த ex சபாநாயகர் அப்பாவு..!!

“அரசு பணத்தைத் தொடமாட்டேன், தொட்டவர்களையும் விடமாட்டேன்” என்று பூச்சாண்டி காட்டும் முதல்வரே உங்களுக்குத் தைரியம் இருக்கிறதா? எனத் தமிழ்நாடு சட்டமன்ற முன்னாள் சபாநாயகர் அப்பாவு தனது அதிகாரப்பூர்வ எக்ஸ் தளப் பதிவில் மிகக் கடுமையான சவால் ஒன்றை விடுத்துள்ளார். தமிழக அரசியல் சூழலில் பெரும் விவாதப் பொருளாக மாறியுள்ள இந்த அறிக்கை, நேரடியாகத் தற்போதைய ஆட்சியாளர்களைக் குறிவைத்துத் தொடுக்கப்பட்டுள்ளது.

கடந்த அதிமுக ஆட்சிக் காலத்தில் தமிழ்நாடு மின்வாரியத்திற்கு நிலக்கரி விநியோகம் செய்ததில் அதானி நிறுவனம் மேற்கொண்ட ஒப்பந்தத்தால், மின்வாரியத்திற்கு ரூ.826 கோடி இழப்பு ஏற்பட்டுள்ளதாகக் தலைமைத் தணிக்கையாளர் குற்றம்சாட்டியுள்ளதை அப்பாவு சுட்டிக்காட்டியுள்ளார். பொதுமக்களின் வரிப்பணம் இவ்வாறு முறைகேடாக விரயம் செய்யப்பட்டுள்ளது தணிக்கை அறிக்கையின் மூலம் அம்பலமாகியுள்ளதாக அவர் குறிப்பிட்டுள்ளார்.

இந்த மாபெரும் நிதி இழப்பை ஏற்படுத்திய, பிரதமர் நரேந்திர மோடியின் நெருங்கிய நண்பரான தொழில் அதிபர் அதானி மீது சட்டப்பூர்வமாக நடவடிக்கை எடுக்க ‘விஜய் கேங்கிற்கு’ (Vijay Gang) தைரியம் உள்ளதா? என்று அப்பாவு பகிரங்கமாகக் கேள்வி எழுப்பியுள்ளார். அரசுப் பணத்தைக் கொள்ளையடித்தவர்களைத் தண்டிப்போம் எனக் கூறும் தற்போதைய முதல்வர், இந்த விவகாரத்தில் தனது நேர்மையை நிரூபிக்கத் துணிச்சலுடன் நடவடிக்கை எடுக்க வேண்டும் என்றும் அவர் வலியுறுத்தியுள்ளார்.