“என் குழந்தை இல்லாமல் வாழ முடியாது” தாயாக இருந்து வளர்த்த தந்தைக்குக் கிடைத்த கொடூரத் தண்டனை… பாசத்தை அறுத்து எறிந்த நீதிமன்றத் தீர்ப்பு… விஷம் குடித்து உயிரை மாய்த்துக் கொண்ட தந்தை..!!

கேரளாவில் நிகழ்ந்த சோகமான சம்பவம் ஒன்று சமூக வலைதளங்களில் பெரும் அதிர்ச்சியையும், மக்கள் மத்தியில் கடும் கொந்தளிப்பையும் ஏற்படுத்தியுள்ளது. இடுக்கி மாவட்டம் குமிழியைச் சேர்ந்த ரஞ்சீஷ் என்ற பேருந்து நடத்துநர் , பிரிந்து வாழ்ந்த தனது மனைவியிடம் குடும்ப நீதிமன்றம் குழந்தையின் காவ உரிமையை வழங்கியதால், மனமுடைந்து தற்கொலை செய்து கொண்டு உயிரிழந்துள்ளார்.

அறிக்கைகளின்படி, ரஞ்சீஷின் மனைவி குடும்பத்தைப் பிரிந்து வளைகுடா நாட்டிற்குச் சென்ற பிறகு, பல ஆண்டுகளாக ரஞ்சீஷ் தனது பெற்றோர் உதவியுடன் குழந்தையைத் தனியாக வளர்த்து வந்துள்ளார். இத்தனை ஆண்டுகளில் அவரே குழந்தையின் முதன்மைப் பராமரிப்பாளராக இருந்து, பாசத்துடன் வளர்த்து வந்தார். ஆனால், வெளிநாட்டிலிருந்து திரும்பிய மனைவி குழந்தையின் உரிமை கோரி நீதிமன்றத்தில் வழக்கு தொடர்ந்த நிலையில், நீதிமன்றம் தாய்க்கு சாதகமாகத் தீர்ப்பளித்தது.

https://twitter.com/KailashVashi/status/2079442490747441368/video/1

குழந்தை தன்னிடமிருந்து பிரிக்கப்பட்டதால் சொல்லொணா வேதனையடைந்த ரஞ்சீஷ், விஷம் குடித்து மருத்துவமனையில் சிகிச்சைப் பலனின்றி பரிதாபமாக உயிரிழந்தார். இச்சம்பவம், குழந்தைப் பராமரிப்பு வழக்கு தீர்ப்புகள், தந்தையரின் உணர்வுப் போராட்டங்கள் மற்றும் குடும்பப் பிரச்சனைகளில் உள்ளவர்களுக்கான மனநல ஆதரவு குறித்த விவாதங்களை மீண்டும் தீவிரமாக்கியுள்ளது. மேலும், குழந்தையை இத்தனை காலம் அரவணைத்து வளர்த்த பெற்றோர் மற்றும் குழந்தைக்கு இடையேயான பிணைப்புக்கு நீதிமன்றங்கள் போதுமான முக்கியத்துவம் அளிக்கிறதா என்ற கேள்வியையும் பலரிடையே எழுப்பியுள்ளது.