காரணம் என்ன தெரியுமா?₹500 டூ ₹2500..திடீரென உயர்ந்த அபராதம்!..சென்னை மெட்ரோவில் கொண்டு வரப்பட்ட புதிய ரூல்ஸ்..!!

சென்னை மெட்ரோ ரயிலில் பயணம் செய்யும் பயணிகளின் அமைதியைக் கருத்தில் கொண்டு, மற்றவர்களுக்கு இடையூறு விளைவிக்கும் செயல்களுக்கு நிர்வாகம் கடுமையான கட்டுப்பாடுகளை அறிவித்துள்ளது. குறிப்பாக, ரயிலுக்குள்ளும் மெட்ரோ வளாகத்திலும் அதிக சத்தத்துடன் செல்போனில் பேசுவது, இயர்போன் இல்லாமல் பாடல்கள் கேட்பது அல்லது வீடியோக்களைப் பார்ப்பது மற்றும் ஸ்பீக்கர் மோடில் வைத்து செல்போனைப் பயன்படுத்துவது போன்றவை சக பயணிகளுக்குத் தொந்தரவாகக் கருதப்பட்டு தண்டனைக்குரிய குற்றமாகப் பார்க்கப்படும். எனவே, அனைவரும் பொது இடங்களில் பிறரின் வசதிக்கு மதிப்பளிக்கும் வகையில் நடந்துகொள்ள வேண்டும் என மெட்ரோ நிர்வாகம் அறிவுறுத்தியுள்ளது.

இந்த விதிமுறைகளை மீறுபவர்கள் மீது சமீபத்தில் திருத்தம் செய்யப்பட்ட ‘ஜன் விஸ்வாஸ் சட்டம் 2026’-இன் கீழ் கடுமையான நடவடிக்கை எடுக்கப்படும். மற்றவர்களுக்குத் தொந்தரவு கொடுக்கும் இத்தகைய செயல்களுக்காக முன்னதாக 500 ரூபாயாக இருந்த அபராதத் தொகையானது, தற்போது அதிகபட்சமாக 2,500 ரூபாயாக உயர்த்தப்பட்டுள்ளது. அபராதம் விதிக்கப்படுவது மட்டுமின்றி, விதிகளை மீறும் நபர்களை மெட்ரோ ரயில் மற்றும் நிலையங்களில் இருந்து உடனடியாக வெளியேற்றவும் அங்கீகரிக்கப்பட்ட அதிகாரிகளுக்கு முழு உரிமை வழங்கப்பட்டுள்ளது. ஆகவே, தேவையற்ற அபராதங்களைத் தவிர்க்கவும், சுமூகமான பயணத்தை உறுதி செய்யவும் பயணிகள் கட்டாயம் ஒலிப்பான்களைப் பயன்படுத்த வேண்டும்.