” ‘பிஸி பிஸி’-னு வந்த ஒரே ஒரு கால்..!” 3 குழந்தைகள் கதற கதற கணவனின் வெறிச்செயல்… மனைவிக்கு நேர்ந்த கொடூரம்.. ஈரோட்டை உலுக்கிய பேரதிர்ச்சி..!!

சந்தேகமும் ஒரு கண நேரக் கோபமும் எத்தகைய பேரழிவை உண்டாக்கும் என்பதற்கு ஈரோடு மாவட்டம் பவானிசாகரில் நடந்த இந்தச் சம்பவம் ஒரு கொடூரமான சான்றாக அமைந்துள்ளது. இலங்கைத் தமிழர் மறுவாழ்வு முகாமைச் சேர்ந்த ரெபேக்கா என்பவருக்கும், ராமேஸ்வரத்தைச் சேர்ந்த பாகப்பிரகாஷ் என்பவருக்கும் திருமணம் முடிந்து 3 பெண் குழந்தைகள் உள்ளனர். கணவனுடன் ஏற்பட்ட கருத்து வேறுபாட்டால் குழந்தைகளுடன் தனியாக வசித்து வந்த ரெபேக்கா, செல்போனில் நீண்ட நேரம் பேசுவதைக் கண்டு சந்தேகமடைந்த பாகப்பிரகாஷ், ராமேஸ்வரத்தில் இருந்தே கத்தியை மறைத்து எடுத்து வந்து மனைவியிடம் மீண்டும் குடும்பம் நடத்த கெஞ்சியுள்ளார். அதற்கு ரெபேக்கா திட்டவட்டமாக மறுக்கவே, ஆத்திரத்தின் உச்சிக்குச் சென்று பெற்றோர் மற்றும் குழந்தைகள் முன்னிலையிலேயே அவரைச் சரமாரியாகக் குத்திக் கொலை செய்துள்ளார்.

அலறல் சத்தம் கேட்டு ஓடிவந்த அக்கம் பக்கத்தினர் தப்பியோட முயன்ற பாகப்பிரகாஷைப் பிடித்து பவானிசாகர் காவல்துறையிடம் ஒப்படைத்தனர். காவல்துறையினர் ரெபேக்காவின் உடலைக் கைப்பற்றி பிரேதப் பரிசோதனைக்கு அனுப்பியதோடு, பாகப்பிரகாஷ் மீது கொலை வழக்குப்பதிவு செய்து கோவை மத்திய சிறையில் அடைத்தனர். சந்தேகப் பேயால் தாயின் உயிரைப் பறித்து, தந்தையும் சிறை சென்றுள்ள நிலையில், 4, 2 மற்றும் 2 வயதேயான 3 பிஞ்சு பெண் குழந்தைகளும் தாய்-தந்தையின் அரவணைப்பின்றித் தவிக்கும் நிலை அப்பகுதியில் பெரும் சோகத்தையும் அதிர்ச்சியையும் ஏற்படுத்தியுள்ளது.