அடக்கொடுமையே… மின்சார ரயிலில் பெண்ணை பெல்ட்டால் தாக்கிய நபர்…! கதறியும் உதவாத சக பயணிகள்…! மும்பையை உலுக்கிய அதிர்ச்சி வீடியோ..!!

மும்பை புறநகர் மின்சார ரயிலுக்குள் பெண் ஒருவர் மீது நபர் ஒருவர் தாக்குதல் நடத்தி, பெல்ட்டால் மிரட்டிய சம்பவம் தொடர்பான அதிர்ச்சியளிக்கும் வீடியோ சமூக வலைதளங்களில் பரவி வருகிறது. இந்தச் சம்பவத்தின் போது, ரயிலில் இருந்த சக பயணிகள் யாருமே தட்டிக்கேட்காமல் மௌனமாகப் வேடிக்கைப் பார்த்துக் கொண்டிருந்தது வீடியோவில் பதிவாகியுள்ளது. இந்த சம்பவம் வடலா பகுதியருகே நடந்ததாகக் நம்பப்படுகிறது, இருப்பினும் இது நடந்த சரியான நேரம் மற்றும் இடம் குறித்து அதிகாரப்பூர்வமாக இன்னும் உறுதிப்படுத்தப்படவில்லை.

வைரலான வீடியோ தகவலின்படி, ரயிலில் இருக்கையில் அமர்ந்திருந்த பெண் மீது, அந்த நபர் தாக்குதல் நடத்தத் தொடங்கியுள்ளார். ஓடிக்கொண்டிருந்த ரயிலுக்குள் இருவருக்கும் இடையே கடுமையான வாக்குவாதம் ஏற்பட்ட நிலையில், அந்த நபர் பெண்ணைத் தாக்குவது காட்சிகளில் தெரிகிறது. மேலும், மோதலின் போது அந்த நபர் தனது இடுப்பு பெல்ட்டைக் கழற்றி அப்பெண்ணை மிரட்டியுள்ளார். வீடியோவின் முடிவில், அந்த நபர் அங்கிருந்து நகர்ந்து சென்று மற்றொரு இருக்கையில் அமர்கிறார். இந்த சம்பவம் முழுவதிலும் சக பயணிகள் யாரும் தலையிட்டு அப்பெண்ணுக்கு உதவ முற்படவில்லை.

இச்சம்பவம் இணையத்தில் பெரும் கொந்தளிப்பையும் எதிர்ப்பையும் ஏற்படுத்தியுள்ளது. பெண் தாக்கப்படும் போது சக பயணிகள் ஏன் உதவிக்கு வரவில்லை எனப் பலரும் கேள்வி எழுப்பி வருகின்றனர். இந்த மோதலுக்கான காரணம் என்ன என்பது குறித்தும், இது தொடர்பாக புகார் ஏதும் அளிக்கப்பட்டதா என்பது குறித்தும் அதிகாரிகள் இன்னும் உறுதிப்படுத்தவில்லை. ரயில்வே காவல் துறையோ அல்லது ரயில்வே நிர்வாகமோ இதுகுறித்து இன்னும் அதிகாரப்பூர்வ அறிவிப்பை வெளியிடவில்லை, மேலும் குற்றம் சாட்டப்பட்ட நபர் மீது எடுக்கப்பட்ட நடவடிக்கைகள் குறித்த விவரங்கள் எதிர்பார்க்கப்படுகின்றன.